مينيسترلىك اتاپ وتكەندەي, بۇل ماڭىزدى شەشىم تەك قازاقستاننىڭ ۇلتتىق مۇددەلەرىن باسشىلىققا الا وتىرىپ قابىلدانعان جانە رەسپۋبليكانىڭ تەڭگەرىمدى, سىندارلى ءارى بەيبىتسۇيگىش سىرتقى ساياساتىنىڭ سيپاتىنا تولىق سايكەس كەلەدى.
«اۆراام كەلىسىمدەرىنە قوسىلۋ ءبىزدىڭ ەلىمىزدىڭ بارلىق مۇددەلى مەملەكەتتەرمەن ىنتىماقتاستىعىن نىعايتۋعا ىقپال ەتەدى جانە بۇل قازاقستاننىڭ ستراتەگيالىق ماقساتتارىمەن تولىق ۇيلەسەدى», دەلىنگەن مالىمدەمەدە.
قازاقستان ءاردايىم تاياۋ شىعىستاعى قاقتىعىستىڭ حالىقارالىق قۇقىق نورمالارىنا, بۇۇ ءتيىستى قارارلارىنا جانە «ەكى حالىق ءۇشىن ەكى مەملەكەت» قاعيداتى نەگىزىندە ءادىل, جان-جاقتى ءارى ورنىقتى رەتتەلۋىن قولدايدى.
