فوتو: ۇكىمەتتىڭ ءباسپاسوز قىزمەتى
پرەمەر-مينيستر ولجاس بەكتەنوۆ سالالىق مينيسترلىكتەر مەن وڭىرلەردىڭ اكىمدىكتەرىنە بىرقاتار تاپسىرما بەردى.
اۋىل شارۋاشىلىعى مينيسترلىگىنە ءوڭىر اكىمدىكتەرىمەن بىرلەسىپ, فورۆاردتىق كەلىسىمشارتتار شەڭبەرىندە ازىق-ت ۇلىك كورپوراتسياسىنا بيدايدى ۋاقتىلى جەتكىزۋ مىندەتتەمەلەرىن ورىنداۋدى قامتاماسىز ەتۋ تاپسىرىلدى. بۇل قور ەلىمىزدىڭ ىشكى سۇرانىسىن وتەۋگە باعىتتالادى.
«كەلەسى ەگىن ەگۋ ناۋقانىنا دايىندىقتى قازىردەن باستاۋ كەرەك. وبلىس اكىمدىكتەرى 2026 جىلى كەمىندە 2,3 ملن توننا مينەرالدى تىڭايتقىش سەبۋدى قامتاماسىز ەتۋلەرى قاجەت. ونەركاسىپ مينيسترلىگى ەگىنشىلەرگە قاجەتتى تىڭايتقىش كولەمىن وتاندىق ءونىم وندىرۋشىلەرمەن الدىن الا پىسىقتاپ العانى ءجون. اكىمدىكتەر تىڭايتقىشتاردى جەتكىزۋ ءۇشىن ۋاقتىلى شارتقا وتىرىپ, قويمالاردا ولاردىڭ جەتكىلىكتى قورىن قامتاماسىز ەتسىن», دەدى ۇكىمەت باسشىسى.
ايتا كەتەيىك, اۋىل شارۋاشىلىعى مينيسترلىگى مەن «بايتەرەك» حولدينگى 2026 جىلعى كوكتەمگى ەگىس پەن ەگىن جيناۋ جۇمىستارىن ەرتە قارجىلاندىرۋدى باستاپ كەتتى. بۇل شارا اۋىل شارۋاشىلىعى وندىرۋشىلەرىنىڭ ۋاقىتىلى دايىندالۋىنا جانە وندىرىستىك پروتسەستەردىڭ ۇزدىكسىز جۇرۋىنە مۇمكىندىك بەرەدى.
جالپى ۇيلەستىرۋ جۇمىسى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارينگە جۇكتەلدى.
