اسا قۇرمەتتى مۇستافا...

ەدىل اسىلبەك اتتى اۆتور «مەرەيلى مەكەن» اتتى كىتابىن سىيلا­عاندا, مىناداي قولتاڭبا بەرىپتى:

«جاراتىلعان جىگەر مەنەن نامىستان,

اتاق-داڭق ىزدەمەگەن جارىستان.

تۇركىستاننىڭ ابىرويىن تۋ ەتىپ,

اتا-جۇرتتىڭ بەدەلى ءۇشىن الىسقان.

ءاربىر كۇنىڭ قانداستارمەن تابىسقان,

كەم بولماسسىڭ جەڭىس بەرگەن سايىستان.

... ول جاق, بۇل جاق, امان-ەسەن جەتەيىك,

بولعان كەزدە قازاق ەلى – باقستان».

اۆتوردىڭ قولى

سەمەي, 22.02.1993

* * *

كەلەسى ءبىر قولتاڭبا يەسى – اقىن نۇكەش بادىعۇلوۆ. ول مۇستافا وزتۇرىككە 1989 جىلى «جازۋشى» باسپاسىنان شىققان «اپپاق دۇنيە» اتتى جىر جيناعىن ۇسىنىپ:

«مۇستافا ىنىمە,

باتىرسىڭ الەم باس ۇرعان,

قازاقتىڭ داڭقىن اسىرعان.

باقىتتىڭ قولى سيپاسىن,

ارقاشان سەنىڭ باسىڭنان»,

دەگەن اقجارما تىلەگىن ارناپتى.

 * * *

«احمەت ياساۋي ساۋلەت عيماراتى» اتتى كىتاپتا مىناداي جىلى لەبىز تاعى دا مۇستافا وزتۇرىككە ارنالىپتى.

«الماتى, 1990, 03,01

اسا قۇرمەتتى مۇستافا!

قازاق جەرىنە كەلىپ, اتا-بابا ارۋاعىنا باس ءيىپ, ەسكە تۇسىرگەن كۇندەرىڭ ءبىزدىڭ جانىمىزدى تەبىرەنتتى. تۋعان جەرىم تۇركىستان شاھارى جايلى, كيەلى مەشىت ازىرەت سۇلتان تۋرالى كىتاپ سىزگە تارتۋىم بولسىن.

كينورەجيسسەر بولىپ قىزمەت قىلاتىن قۇرداسىڭ تىلەگەن».

بۇدان وزگە «حالىق اندەرى مەن حالىق كومپوزيتورلارىنىڭ اندەرى» اتتى كىتاپتا دا سپورت شەبەرىنە دەگەن ىزگى تىلەك جازىلىپتى.