بۇعان دەيىن بۇل جوبا اقمولا وبلىسىنىڭ اقكول قالاسىندا ىسكە قوسىلعان بولاتىن. ەندى مينيسترلىك «مەملەكەتتىك اتاۋلى الەۋمەتتىك كومەك الۋشىلارعا تسيفرلىق ازىق-ت ۇلىك ۆاۋچەرلەرىن بەرۋ جونىندەگى قىزمەتتى كورسەتۋ بويىنشا پيلوتتىق جوبانى ىسكە اسىرۋ جانە مەملەكەتتىك ورگاندار مەن ۇيىمداردىڭ ءوزارا ءىس-قيمىلى تۋرالى» بىرلەسكەن بۇيرىق جوباسىن «اشىق نقا» پورتالىندا جاريالادى. قۇجاتتا پيلوتتىق جوبانىڭ گەوگرافياسىن كەڭەيتۋ كوزدەلگەن.
«جوبانى ىسكە اسىرۋ مەملەكەتتىك اتاۋلى الەۋمەتتىك كومەك الۋشىلارعا قىزمەت كورسەتۋدىڭ ۇزدىكسىزدىگىن قامتاماسىز ەتەدى, جاڭا وڭىرلەردە تسيفرلىق ازىق-ت ۇلىك ۆاۋچەرلەرىن ەنگىزۋ ناتيجەلەرىن باعالاۋعا جانە بۇل تەتىكتى تۇراقتى نەگىزدە كەڭەيتۋ بويىنشا ۇسىنىستار ازىرلەۋگە مۇمكىندىك بەرەدى», – دەلىنگەن مينيسترلىكتىڭ حابارلاماسىندا.
ۆەدومستۆونىڭ مالىمەتىنشە, مەملەكەت الەۋمەتتىك ماڭىزى بار ازىق-ت ۇلىك باعاسىن رەتتەۋ تەتىگىنەن باس تارتىپ, ااك الۋشىلاردى تىكەلەي قولداۋ فورماتىنا كوشىپ جاتىر. دايىندىق كەزەڭىندە «الەۋمەتتىك ءاميان» ارقىلى eGov Mobile قوسىمشاسىندا تسيفرلىق ازىق-ت ۇلىك ۆاۋچەرلەرى سىناقتان وتۋدە. بۇل جۇيە ارقىلى ااك الۋشىلار ازىق-ت ۇلىكتى 15%-عا دەيىن جەڭىلدىكپەن ساتىپ الا الادى.
