ەسىرتكى ءوسىرۋ فاكتىلەرىن انىقتاپ, جاسىرىن ەگىستىكتەر مەن پلانتاتسيالاردى جويۋعا باعىتتالعان ءىس-شارا اياسىندا 47 ادام قۇرىقتالىپ, ونىڭ 24-ءى قاماققا الىندى.
قىزىلوردا وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى سەرىك توقتىباەۆتىڭ ايتۋىنشا اسكەري تىكۇشاقپەن 26 مارتە اۋەدەن شولۋ جۇرگىزىلىپ, ەسىرتكى ءوسىرۋدىڭ 20 دەرەگى انىقتالعان. ءموبيلدى بەكەتتەردە قىزمەتتىك ىزدەستىرۋ يتتەرىنىڭ كومەگىمەن ەسىرتكىگە قاتىستى 31 دەرەك تىركەلدى.
«جالپى 10 345 ءتۇپ سورا وسىمدىگى انىقتالىپ, قىركۇيەك, قازان ايلارىنا دەيىن ءپىسىپ-جەتىلگەنىندە ءار تۇپتەن شامامەن 500 گرامنان ەسەپتەگەندە 5 تونناعا جۋىق ماريحۋانانىڭ زاڭسىز اينالىمعا تۇسۋىنە جول بەرىلمەدى. وسىلايشا مىڭداعان ازاماتتاردىڭ دەنساۋلىعى مەن وتباسىلاردىڭ تاعدىرى قورعالدى. ءىس-شارا اياقتالعانىمەن بۇل باعىتتاعى جۇمىستار ءوز جالعاسىن تابادى», دەيدى دەپارتامەنت باستىعىنىڭ ءبىرىنشى ورىنباسارى.
