فوتو: primeminister.kz
مەملەكەت باسشىسى اتاپ وتكەن جاڭا ينۆەستيتسيالىق تسيكلدى ىسكە قوسۋ مىندەتتەرى اياسىندا قر ۇكىمەتى ەل ەكونوميكاسىنا شەتەلدىك ينۆەستيتسيا كولەمىن ۇلعايتۋ ماقساتىندا حالىقارالىق كومپانيالارمەن جانە ۇيىمدارمەن ءوزارا ءىس-قيمىل بويىنشا جۇيەلى جۇمىس جۇرگىزىپ جاتىر.
اگروونەركاسىپ كەشەنى, ەنەرگەتيكا, كوممۋنالدىق سەكتورلار جانە باسقا دا سالالارداعى اعىمداعى جانە پەرسپەكتيۆالىق جوبالار اياسىندا ينۆەستيتسيالىق ىنتىماقتاستىق باعىتتارى قارالدى.
ەۋروپالىق قايتا قۇرۋ جانە دامۋ بانكىنىڭ ۆيتسە-پرەزيدەنتى ماتتەو پاترونەمەن بانكتىڭ قازاقستان اۋماعىندا ينفراقۇرىلىمدىق جوبالارعا قاتىسۋ ماسەلەلەرى تالقىلاندى. سونداي-اق شاعىن جانە ورتا بيزنەستى دامىتۋ باعىتتارىنا نازار اۋدارىلدى.
رەسەي, بەلارۋس, كاۆكاز جانە ورتالىق ازيا ايماعى بويىنشا PepsiCo كومپانياسىنىڭ پرەزيدەنتى دەۆيد مانزينيمەن كەزدەسۋ بارىسىندا الماتى وبلىسىندا قۇرىلىسى اياقتالۋعا جاقىن تۇرعان تۇزدى تىسكەباستارلار شىعاراتىن زاۋىت جونىندەگى جوبانىڭ ىسكە اسىرىلۋ بارىسى قارالدى. ءوڭىر اكىمدىكتەرىنە ءتيىستى مەملەكەتتىك ورگاندارمەن بىرلەسىپ, ينۆەستيتسيالىق جوبانى قاجەتتى ينفراقۇرىلىمدىق شەشىمدەرمەن قامتاماسىز ەتۋگە ودان ءارى جاردەمدەسۋ تاپسىرىلدى.
Fufeng Group ديرەكتورلار كەڭەسىنىڭ توراعاسى لي سيۋەچۋنمەن جامبىل وبلىسىندا جۇگەرىنى تەرەڭ وڭدەۋ بويىنشا تىگىنەن ينتەگراتسيالانعان ونەركاسىپتىك پارك جوباسىن جۇزەگە اسىرۋعا كوڭىل ءبولىندى. ءوندىرىس وتاندىق شيكىزاتقا نەگىزدەلەتىن بولادى. ينۆەستور الداعى ءوندىرىستى ىسكە قوسۋ ءۇشىن «جىلدام ءدالىز» تەتىگى شەڭبەرىندە قولايلى بيزنەس-ورتانى جانە جاسالعان جاعدايلاردى وڭ باعالادى.
كەزدەسۋلەردىڭ قورىتىندىسى بويىنشا ولجاس بەكتەنوۆ قازاقستان ۇكىمەتى ينۆەستورلارعا جان-جاقتى قولداۋ كورسەتىپ جانە بيزنەس-جوبالاردى تولىق سۇيەمەلدەۋگە باسا نازار اۋدارا وتىرىپ, قولايلى ينۆەستيتسيالىق احۋالدى قالىپتاستىرۋدى جالعاستىراتىنىن اتاپ ءوتتى. جاڭا وندىرىستەردى ىسكە قوسۋ ەلدىڭ ونەركاسىپتىك جانە ەكسپورتتىق الەۋەتىن نىعايتۋ, سونداي-اق جاڭا جۇمىس ورىندارىن اشۋ ءۇشىن ستراتەگيالىق ماڭىزعا يە.
