كەڭەسكە پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين, سىرتقى ىستەر ءمينيسترىنىڭ ورىنباسارى الىبەك قۋانتىروۆ, وبلىس اكىمدەرى جانە قر باس پروكۋرورىنىڭ ءبىرىنشى ورىنباسارى جاندوس ومىراليەۆ قاتىستى.
ولجاس بەكتەنوۆ پرەزيدەنتتىڭ 2029 جىلعا دەيىن قازاقستان ەكونوميكاسىنا 150 ميلليارد دوللار شەتەلدىك ينۆەستيتسيا تارتۋ جونىندەگى ستراتەگيالىق مىندەتىنە نازار اۋداردى.
ۇلتتىق ەكونوميكا مينيسترلىگىنىڭ مالىمەتىنشە, بيىلعى 9 ايدا نەگىزگى كاپيتالعا سالىنعان ينۆەستيتسيا كولەمى 13,8 ترلن تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 13,5%-عا ارتىق. ەڭ جوعارى ءوسىم ەنەرگەتيكا, وڭدەۋ ونەركاسىبى, اۋىل شارۋاشىلىعى جانە كولىك سالالارىندا بايقالعان.
ينۆەستيتسيالاردىڭ باسىم بولىگى جىلجىمايتىن م ۇلىك, كولىك جانە تاۋ-كەن ونەركاسىبىنە باعىتتالعان. وڭىرلەر اراسىندا استانا قالاسى مەن تۇركىستان وبلىسى جوسپاردى ورىنداۋدا كوش باستاپ كەلەدى. ال قاراعاندى, اتىراۋ, ۇلىتاۋ جانە اباي وبلىستارى بەلگىلەنگەن مەجەدەن ارتتا قالىپ وتىر.
بىرىڭعاي ۇلتتىق پۋل شەڭبەرىندە بيىل 185 ينۆەستيتسيالىق جوبا جۇزەگە اسىرىلدى. جىل سوڭىنا دەيىن تاعى 268 جوبانى ىسكە قوسۋ جوسپارلانعان.
«جالپى تىكەلەي شەتەلدىك ينۆەستيتسيالار (تشي) كولەمى $10,1 ملرد-تى قۇرادى. وڭدەۋ ونەركاسىبى, قارجى سەكتورى, كولىك, بايلانىس جانە ەنەرگەتيكا سالالارىنا قاراجات بەلسەندى تارتىلۋدا. سولتۇستىك قازاقستان, اقمولا جانە تۇركىستان وبلىستارى, سونداي-اق استانا قالاسى تشي بويىنشا ماقساتتى كورسەتكىشكە قول جەتكىزۋدە كوش باستاسا, ونىڭ قاتارىندا پاۆلودار, قاراعاندى, اتىراۋ, اقتوبە, الماتى, شىعىس قازاقستان جانە اباي وبلىستارى بار», دەلىنگەن حابارلامادا.
پرەمەر-ءمينيستردىڭ ايتۋىنشا, نەگىزگى كاپيتالعا ينۆەستيتسيا تارتۋ جوسپارى 52,7%-عا, ال تىكەلەي شەتەلدىك ينۆەستيتسيالار جوسپارى جارتىسىنان از دەڭگەيدە ورىندالعان. ول جوبالاردى جۇزەگە اسىرۋدىڭ باياۋ ءجۇرۋىن مەملەكەتتىك ورگاندارداعى ارتىق بيۋروكراتيالىق راسىمدەر مەن مەرزىمدەردىڭ كەشىكتىرىلۋىمەن بايلانىستىردى.
اتىراۋ وبلىسىندا نەگىزگى كاپيتالعا ينۆەستيتسيا تارتۋ جوسپارىنىڭ ورىندالۋى 42,8%, ۇلىتاۋ وبلىسىندا 61,5%, اباي وبلىسىندا نكي بويىنشا 70,4%, ال تشي بويىنشا 26,2% بولعان. مۇندا مىس بالقىتۋ زاۋىتى مەن كۇنباعىس مايىن وڭدەۋ تسەحى سياقتى بىرقاتار جوبالار جابدىقتاردىڭ كەشىگىپ جەتكىزىلۋىنە بايلانىستى تۇيتكىلدى ماسەلەلەر تۋىنداپ وتىر.
«اكىمدەر مەن مينيسترلەر ينۆەستيتسيا تارتۋ ماسەلەلەرىمەن كۇن سايىن تىكەلەي اينالىسۋى ءتيىس. بۇل ەڭ ماڭىزدى ماسەلە. ينۆەستيتسيا بولماسا, ەكونوميكادا ەشقانداي دامۋ بولمايدى. ارتتا قالعان وڭىرلەردىڭ اكىمدەرىنە ينۆەستيتسيالار بويىنشا نىسانالى كورسەتكىشتەرگە قول جەتكىزبەگەنى ءۇشىن ءوز ورىنباسارلارىن تارتىپتىك جاۋاپكەرشىلىككە تارتۋدى تاپسىرامىن», دەدى ولجاس بەكتەنوۆ.
سونىمەن قاتار جيىندا ينۆەستورلاردى سۇيەمەلدەۋ جۇيەسىنىڭ تيىمدىلىگىن ارتتىرۋ شارالارى دا قارالدى. ءىرى ينۆەستيتسيالىق جوبالاردى ۋاقتىلى ىسكە قوسۋ ءۇشىن ينفراقۇرىلىم سالۋ ماسەلەلەرىنە كوڭىل ءبولىندى. سونداي-اق ينۆەستورلار قۇقىقتارىن قورعاۋ ماسەلەلەرى تالقىلاندى.
تىزىلىمگە ەنگىزىلگەن ينۆەستورلارعا قاتىستى «پروكۋرورلىق سۇزگىنى» ەنگىزۋ 380 زاڭسىز تەكسەرۋ مەن 450 اكىمشىلىك ءوندىرىستىڭ جانە ەكى 200-گە جۋىق شەكتەۋ شاراسىنىڭ جولىن كەسۋگە مۇمكىندىك بەردى. ەل ەكونوميكاسىنا قوسقان ۇلەسى شامامەن 19 ترلن تەڭگەنى قۇرايتىن 1800 ينۆەستورعا كومەك كورسەتىلدى.
كەڭەس قورىتىندىسىندا پرەمەر-مينيستر ينۆەستيتسيالىق جوبالاردى ۋاقتىلى ىسكە اسىرۋدى, وڭىرلەردىڭ بەلسەندىلىگىن ارتتىرۋدى جانە بيۋروكراتيالىق كەدەرگىلەردى جويۋدى تاپسىردى.
