فوتو: عىلىم جانە جوعارى ءبىلىم مينيسترلىگى
29 قازان كۇنى وقۋ ورنىنىڭ بازاسىندا ۇشجاقتى كەزدەسۋ ءوتتى. وعان عىلىم جانە جوعارى ءبىلىم ءمينيسترى ساياسات نۇربەك, ىشكى ىستەر ءمينيسترىنىڭ ورىنباسارى ايدار سايتبەكوۆ جانە ءۇندىستان ۇلتتىق سوت عىلىمدارى ۋنيۆەرسيتەتىنىڭ وكىلى شري دجادەجا قاتىستى. كەزدەسۋ بارىسىندا قازاقستاندا NFSU فيليالىن قۇرۋ ماسەلەلەرى تالقىلاندى. فيليال ەلىمىزدىڭ قۇقىق قورعاۋ ورگاندارى ءۇشىن كيبەرقاۋىپسىزدىك, تسيفرلىق كريميناليستيكا, سوت ساراپتاماسى جانە قولدانبالى قىلمىستىق تەرگەۋ سالالارىندا جوعارى بىلىكتى ماماندار دايىنداۋعا ۇلەس قوسادى.
كەزدەسۋ قورىتىندىسىندا NFSU فيليالىنىڭ ءىىم اكادەمياسى بازاسىندا اشىلۋى جانە قوس ديپلومدىق ءبىلىم باعدارلامالارىنىڭ ىسكە قوسىلۋى جونىندە كەلىسىمگە قول قويىلدى.
تاراپتار اراسىنداعى كەلىسىمدەر نەگىزىندە كادر دايارلاۋ, سونداي-اق بىرلەسكەن عىلىمي جانە قۇقىقتىق زەرتتەۋلەردى دامىتۋعا ەرەكشە كوڭىل بولىنەدى.
