بۇگىندە 119 جوبا ىسكە قوسىلدى, جالپى سوماسى 881,8 ملرد تەڭگە ينۆەستيتسيا تارتىلىپ, 14 056 جۇمىس ورنى پايدا بولدى. جۋىردا قىزىلوردادا اشىلعان «قىزىلوردا-نان» جشس زاۋىتى ءوڭىردىڭ تاماق ونەركاسىبىنە تىڭ سەرپىن بەرەدى. 5,6 ملرد تەڭگەگە سالىنعان جوبا – مەملەكەتتىك قولداۋ مەن جەكە باستامانىڭ ءتيىمدى سينەرگياسىنىڭ كورىنىسى. ال اقتاۋدا ايىنا 500 توننا قالدىق وڭدەيتىن ەكى ەكوكاسىپورىن ىسكە قوسىلدى. «Zero Waste» جوباسى مەن «قوشقار-اتا» قالدىق قويماسىن رەكۋلتيۆاتسيالاۋ باستاماسى ءوڭىردىڭ ەكولوگيالىق تۇراقتىلىعىن قامتاماسىز ەتۋگە باعىتتالعان. ساراپشىلاردىڭ ايتۋىنشا, ماڭعىستاۋداعى جاڭا ەكوجوبالار – «جاسىل» ەكونوميكاعا ءوتۋدىڭ ناقتى قادامى.
اباي وبلىسىندا جالپى قۇنى 3,2 ترلن تەڭگەنى قۇرايتىن 7 ءىرى جوبا جۇزەگە اسىپ جاتىر. ناتيجەسىندە, 14,4 مىڭ جاڭا جۇمىس ورنى اشىلادى دەپ كۇتىلەدى. سەمەي قالاسىندا ورنالاسقان «Arai-East Food» ەت وڭدەۋ كاسىپورنى مەن «اگروفيرما پريرەچنوە» شارۋاشىلىعى اۋىل شارۋاشىلىعىن قايتا وڭدەۋ سالاسىن دامىتۋعا ۇلەس قوسىپ جاتىر. جاڭا ەت وڭدەۋ كەشەنى ىسكە قوسىلعاندا مىڭ ادام جۇمىسپەن قامتىلادى.
تۇركىستان وبلىسى تۇلكىباس اۋدانىندا جۇمىسىن باستاعان «RC Cola» زاۋىتى مەن قۇس فابريكاسى – ءوڭىردىڭ وندىرىستىك الەۋەتىن ايشىقتايتىن نىساندار. 9 ملرد تەڭگەلىك سۋسىن زاۋىتى مەن 53,7 ملرد تەڭگە تۇراتىن قۇس فابريكاسىنىڭ ىسكە قوسىلۋى ءوڭىردىڭ ەكونوميكالىق مۇمكىندىكتەرىن جوعارىلاتا تۇسۋگە ءتيىس.
الماتى قالاسىندا ءىرى لوگيستيكالىق جانە ونەركاسىپتىك جوبالار جۇزەگە اسىپ جاتىر. قۇنى 7 ملرد تەڭگە بولاتىن «Damiani» قويما كەشەنى حالىقارالىق «Breeam» ستاندارتىمەن سالىنعان. مۇندا «Toyota Motors», «Komatsu» مەن «سپورتماستەر» كومپانيالارى جۇمىس ىستەيدى. ال «ILP Group» كومپانياسى 100 مىڭ شارشى مەتردەن اساتىن لوگيستيكالىق ساياباقتاردى باسقارادى. 13 ملرد تەڭگەگە جاڭا قويما جوباسى ىسكە اسىرىلىپ جاتىر. قالادا سونداي-اق قاعاز, كارتون مەن مودۋلدىك قۇرىلىس وندىرىستەرى جولعا قويىلىپ, ەكولوگيالىق تەحنولوگيالار ەنگىزىلىپ جاتىر. بۇل مەگاپوليستىڭ ينۆەستيتسيالىق تارتىمدىلىعىن ارتتىرىپ, وڭىرلىك ءىجو قۇرىلىمىنداعى يندۋستريالىق ۇلەستى كوبەيتىپ وتىر. رەسپۋبليكا كۇنى قارساڭىندا جۇمىس ىستەي باستاعان تاعى ءبىر ءوندىرىس وشاعى – «Astana Motors Manufacturing Kazakhstan» جشس. مۇندا قىتايلىق «Chery», «Changan», «Haval», «Tank» كولىكتەرى, جولاۋشىلار ۆاگوندارى قۇراستىرىلادى. ينۆەستيتسيا كولەمى – 182 ملرد تەڭگە, 3 600 جۇمىس ورنى اشىلادى. جىلىنا 90 مىڭ بىرلىك وندىرىلەدى دەپ جوسپارلانعان.
مەرەيلى مەرەكە قارساڭىندا پايدالانۋعا بەرىلىپ, كوپ يگىلىگىنە جاراي باستاعان ىرگەلى مەكەمەلەر ساناتىندا ماڭعىستاۋ وبلىسىنداعى «Caspi Bitum» مۇناي وڭدەۋ زاۋىتىنىڭ قۋاتتىلىعىن كەڭەيتۋ بىرلەسكەن كاسىپورنى (ينۆەستيتسيا كولەمى – 36,1 ملرد تەڭگە) اتىراۋ وبلىسىنداعى جۇك ۆاگوندارىن شىعاراتىن «تەكسولترانس» كاسىپورنى (30,8 ملرد تەڭگە), الماتى وبلىسىنداعى تۇرمىستىق تەحنيكا شىعاراتىن «الماتى تۇرمىستىق تەحنيكا زاۋىتى» (25,2 ملرد تەڭگە), شىمكەنت قالاسىنداعى اليۋميني قاپتاما (كونتەينەر) ءوندىرىسىن جاڭعىرتقان «QazAlPack» جشس (21,7 ملرد تەڭگە), قاراعاندى وبلىسىنداعى تۇرمىستىق تەحنيكا ءوندىرۋشى «Silk Road Electronics» جشس (12 ملرد تەڭگە), ەكىباستۇزداعى «ەكىباستۇزفەرروقورىتپالار» جشس (92,4 ملرد تەڭگە), قوستانايداعى جۇك كولىكتەرىنىڭ جەتەكشى وسىنە ارنالعان سوڭعى جەتەك رەدۋكتورلارىن شىعاراتىن «KamLitKZ» زاۋىتى (82,5 ملرد تەڭگە) بار.
