سۋرەت اشىق دەرەككوزدەردەن الىندى
ۇيا توقۋ كەزىندە قۇستىڭ تۇمسىعى ينە, اياعى قىسقىش ءرولىن اتقارادى. ول ءار تال ءشوپتى شەبەر بايلاپ, مىقتاپ بەكىتەدى. كەي ۇيالاردىڭ ءىشى جۇمساق تالشىقتارمەن توسەلىپ, بالاپانعا جايلى ورىنعا اينالادى. ولار ۇياسىن سالعاندا ءار تال ءشوپتى تاڭداپ الادى. كەيبىرى جاسىل, يىلگىش ساباقتاردى پايدالانادى, ال كەيبىرى پالما جاپىراعىنىڭ تالشىقتارىن ءورىپ توقيدى. ۇيانىڭ كىرەبەرىسى ادەتتە تومەن قاراعان تۇتىك ءپىشىندى بولادى. بۇل جىرتقىشتاردان قورعاۋ ءۇشىن ويلاستىرىلعان تابيعي شەشىم. ءار ءورىم مىقتى, ال ۇيانىڭ جالپى قۇرىلىسى جەل مەن جاڭبىرعا توتەپ بەرەدى.
بۇل قۇستار كوبىنە افريكا مەن ازيانىڭ تروپيكالىق وڭىرلەرىندە توپتانىپ ءومىر سۇرەدى. كەيدە ءبىر اعاشتا جۇزگە جۋىق ۇيا ءىلىنىپ تۇرادى. ولاردىڭ ءانى مەن قيمىلى ورمانعا ەرەكشە تىنىس بەرەدى.
