اسىرەسە, ءبىز 71 كگ سالماق دارەجەسىندە سىنعا تۇسكەن ءاليحان اسكەربايدىڭ اسقان شەبەرلىگىنە تامساندىق. جەتىسۋ وبلىسى سارقان اۋدانىنىڭ قارابوگەت اۋلىندا تۋىپ-وسكەن دارىندى سپورتشى 144 كگ-نى جۇلقىپ جانە 172 كگ-نى سەرپە كوتەرىپ, الدىنا جان سالمادى. قوسسايىسىنىڭ قورتىندىسى بويىنشا 316 كگ-لىق كورسەتكشىپەن ءاليحان ازيادانىڭ التىن مەدالىن كەۋدەسىندە جارقىراتتى. سونداي-اق, وسى جارىستا ول جاسوپىرىمدەر اراسىنداعى ەكى رەت الەمدىك, ەكى رەت قۇرلىقتىق جانە ەكى رەت ازيا ويىندارىنىڭ رەكوردىن جاڭارتتى. بارلىعى – 6 رەكورد! بۇل سالماقتا ەكىنشى جانە ءۇشىنشى ورىنداردى قىتاي مەن وزبەكستاننىڭ وكىلدەرى يەلەندى.
ءاليحان اسكەرباي بۇعان دەيىن دە بىرقاتار اسا ءىرى حالىقارالىق دودالاردا دارا تالانتىمەن وقشاۋلاندى. ماسەلەن, وسىدان بىرەر اي بۇرىن عانا استانادا وتكەن جاسوسپىرىمدەر مەن جاستار اراسىنداعى ازيا چەمپيوناتىندا قانداسىمىز ءۇش جاتتىعۋى بويىنشا دا الدىنا جان سالماي, باس جۇلدەنى ولجالادى. سونىمەن قاتار, ول ءاليحان قۇرلىقتىڭ ءۇش جانە الەمنىڭ ءۇش رەكوردىن جاڭارتتى.
