فوتو: dzen.ru
دەپۋتاتتىڭ ايتۋىنشا, اتا-انا بالاعا ءوزىنىڭ جىنىسى مەن ءرولىن ءتۇسىندىرىپ, دۇرىس باعىتتا تاربيەلەۋى كەرەك. سوندا عانا قوعامداعى مورالدىق جانە پسيحولوگيالىق ماسەلەلەردىڭ الدىن الۋعا بولادى دەيدى.
ء«بىز تاربيە ماسەلەسىن تەك ءبىلىم وردالارىنا, مۇعالىمدەرگە عانا ارتىپ قويماۋىمىز قاجەت. تاربيە – وتباسىنان باستالادى. سوندىقتان ۇلتتىق قۇندىلىقتارعا يەك ارتىپ, سالت-داستۇرگە كوبىرەك ءمان بەرۋ كەرەك. قىزدىڭ قىز ەكەنىن, ۇلدىڭ ۇل ەكەنىن بالا كەزىنەن باستاپ ءتۇسىندىرۋىمىز كەرەك. كەيبىر وتباسىلاردا قىزعا ەر بالانىڭ كيىمىن نەمەسە ەر بالاعا قىزدىڭ كيىمىن كيگىزىپ قويادى, ول دۇرىس ەمەس. بالا ءوزىنىڭ كىم ەكەنىن كىشكەنتاي كەزىنەن ءبىلىپ وسكەنى ابزال. سول كەزدە عانا ءبىز ۇرپاعىمىزدى ساقتاپ قالامىز», دەيدى ماجىلىسمەن.
ءماجىلىس كۋلۋارىندا ەدىل جاڭبىرشىن لگبت-عا قاتىستى نورمادا ناسيحاتقا تىيىم سالۋ ماسەلەسى كوتەرىلىپ وتىرعانىن, بىراق جەكە تۇلعالاردىڭ قۇقىعى شەكتەلمەيتىنىن ءتۇسىندىرىپ ءوتتى.
ء«بىز بالا قۇقىعىن قورعاۋ, مادەنيەت سالاسى, كينەماتوگرافيا, ونلاين پلاتفورما جانە ونلاين جارنامالاۋ, ماسس-مەديا سياقتى سياقتى زاڭداردى قاراستىرىپ وتىرمىز. مۇندا پورنوگرافيانى, زورلىق زومبىلىقتى, قورلاۋدى, ادام پسيحيكاسىنا اسەر ەتەتىن, اسىرەسە بالالاردى قۇقىقبۇزۋشىلىققا يتەرمەلەيتىن باسقا دا شارالاردى پايدالانۋ زاڭمەن قۋدالانادى. ەندى وسىنىڭ قاتارىنا ءداستۇرلى ەمەس جىنىستىق قاتىناس وكىلدەرىنىڭ ناسيحاتىن دا قوستىق. لگبت وكىلدەرى ء«بىزدىڭ قۇقىعىمىز تاپتالىپ جاتىر» دەيدى, ءبىز ء«سىزدىڭ قۇقىعىڭىز تاپتالىپ جاتقان جوق, بىزدە لگبت-عا تىيىم جوق, ءبىز ونى ناسيحاتتاۋعا تىيىم سالۋ ماسەلەسىن كوتەرىپ جاتىرمىز» دەيمىز. ول ەكەۋى ەكى بولەك نارسە. سوندىقتان ونىڭ ارا-جىگىن اشىپ الۋ كەرەك. ال جالپى ولاردىڭ ويلارى, پىكىرلەرى بىزگە بەلگىلى», دەپ ءسوزىن تۇيىندەدى ە.جاڭبىرشين.
ەلىمىزدە لگبت-نى ناسيحاتتاۋعا تىيىم سالاتىن تۇزەتۋلەردى ءماجىلىس دەپۋتاتى يرينا سميرنوۆا دا قولدادى. ول بۇل شارالاردىڭ ءسال كەش قولعا الىنعانىن ايتىپ قالدى.
«كىتاپ دۇكەنىنەن لگبت-نى ناسيحاتتايتىن باسىلىمداردى كوردىم. وندا ەكى حانزادا ءبىر-بىرىنە عاشىق بولىپ قالادى. مۇنداي وتە كوپ. وسىعان ۇقساس كەلەڭسىزدىكتەردى ناسيحاتتايتىن مۋلتفيلمدەر, جۋرنالدار, كوميكستەر دە بار. بۇعاناسى قاتپاعان جاسوسىپىرىمدەرگە مۇنداي تۇسىنىك تەز ءسىڭىپ كەتەدى. سوندىقتان ءبىر جىنىستىق قاتىناستى ناسيحاتتاسا, پروپاگاندا جاساسا, ۇرانداسا, وندا تىيىم سالۋ كەرەك. وزدەرى قالاعانشا ءومىر ءسۇرسىن, بىراق ناسيحات جاساماسىن. ۇيىندە بولعاننىڭ ءبارى سول ۇيدە قالسىن. نەگىزى بۇعان تىيىم سالۋ شارالارىن ءسال كەش قولعا الىپ وتىرمىز. دەسەك تە, بالالار مەن جاسوسپىرىمدەردى قورعاۋ اركەز ماڭىزدى», دەيدى دەپۋتات ي.سميرنوۆا ءماجىلىس كۋلۋارىندا.
