فوتولار: سۋ رەسۋرستارى جانە يرريگاتسيا مينيسترلىگى
حالىقارالىق كەڭەسشى مەحمەت ەردوگدۋ ەلىمىز سۋ شارۋاشىلىعى سالاسىن دامىتۋدا دۇرىس باعىت تاڭداعان دەپ سانايدى.
«قازاقستان تسيفرلىق تەحنولوگيالاردى ەنگىزۋدە دۇرىس باعىتتا كەلە جاتىر. اسىرەسە, يرريگاتسيا جانە سۋارۋ جۇيەلەرىن باسقارۋ سالاسىندا. تسيفرلاندىرۋ ۇلكەن كولەمدەگى دەرەكتەرمەن جۇمىس ىستەۋگە جانە شەشىم قابىلداۋعا قاجەتتى اقپاراتتى جيناۋعا مۇمكىندىك بەرەدى. زاماناۋي تەحنولوگيالار سۋدى ءتيىمدى ءارى ۇنەمدى پايدالانۋعا جول اشادى», دەدى م.ەردوگدۋ.
ال قۇرعاق ايماقتارداعى اۋىل شارۋاشىلىعىن زەرتتەۋ جونىندەگى حالىقارالىق ورتالىقتىڭ (ICARDA) عىلىمي قىزمەتكەرى اكمال اكرامحانوۆتىڭ ايتۋىنشا, قازاقستان قابىلداپ جاتقان شەشىمدەر ەلدەگى سۋ شارۋاشىلىعىنىڭ ودان ءارى دامۋىنا جول اشادى.
«قازاقستان سۋ شارۋاشىلىعى سالاسىن تسيفرلاندىرۋ باعىتىندا اۋقىمدى جۇمىس جۇرگىزىپ جاتىر. ماڭىزدى شەشىمدەر قابىلدانىپ, بۇل باعىتتاعى ءتيىمدى قىزمەتتىڭ نەگىزى قالاندى. تسيفرلاندىرۋ ۇلكەن اۋماقتاردى قامتۋعا, ساپالى مونيتورينگ پەن ولشەۋ جۇرگىزۋگە, سونداي-اق سۋ ۇنەمدەۋ تەحنولوگيالارىن ەنگىزۋدى ىنتالاندىرۋ تاسىلدەرىن انىقتاۋعا مۇمكىندىك بەرەدى», دەدى ا.اكرامحانوۆ.
