كىتاپتىڭ تۇساۋكەسەرى ىستانبۇل قالاسىندا ەرەكشە ىلتيپاتپەن ءوتتى. اباي اتىنداعى مەكتەپتە, ۋنيۆەرسيتەتتە, قازاق قورى قوعامىندا, ورتالىق كىتاپحانادا, رەسپۋبليكالىق مۋزەيدە تانىستىرىلدى.
اباي مەكتەبىندەگى ءىس-شاراعا ىستانبۇلداعى باس كونسۋلىمىز نۇريددين امانقۇل قاتىسىپ, الاش ارىسىنىڭ تۇركى دۇنيەسىنە قاتىستى تەرەڭ ويلارىن كەڭىنەن تارقاتتى. سونداي-اق ول جازۋشىنىڭ اباي تۋرالى ەڭبەكتەرىنەن تاعىلىمدى ۇزىندىلەر وقىدى.
ءىس-شارا بارىسىندا وقۋشىلار اباي مەن مىرجاقىپ شىعارماشىلىعىنا ارنالعان سۇراق-جاۋاپقا بەلسەنە قاتىسىپ, ءبىلىم مەن ىزدەنىس دەڭگەيىن تانىتتى. ەسكە سالا كەتەيىك, كىتاپتىڭ تۇرىك تىلىندە جارىق كورۋىنە دەمەۋشىلىك كورسەتكەن پارلامەنت ءماجىلىسىنىڭ دەپۋتاتى بەرىك بەيسەنعاليەۆ.
