ديكتانتتىڭ باستى ماقساتى – مەملەكەتتىك ءتىلدى ناسيحاتتاۋ, جازباشا ساۋاتتىلىقتى دامىتۋ جانە ۇلاندىقتاردىڭ ءتىل بىلۋگە دەگەن ىنتاسىن ارتتىرۋ بولدى.
«ديكتانت وتكىزۋدىڭ ارقاسىندا ءبىز مەملەكەتتىك ءتىلدى ءبىلۋ ءاربىر اسكەري قىزمەتشىنىڭ كاسىبي جانە مادەني دايارلىعىنىڭ اجىراماس بولىگى ەكەنىن تاعى دا دالەلدەدىك. مۇنداي ءىس-شارالار تىلگە دەگەن قىزىعۋشىلىقتى كۇشەيتىپ, جەكە قۇرامنىڭ ساۋاتتىلىعىن ارتتىرۋعا ىقپال ەتەدى», دەدى ءبولىمنىڭ تاربيە جانە الەۋمەتتىك-قۇقىقتىق جۇمىستار بولىمشەسى باستىعىنىڭ مەملەكەتتىك ءتىلدى ەنگىزۋ جونىندەگى اعا كومەكشىسى مايور اسەمگۇل مۇحامەدراحيموۆا.
ءىس-شارا الدىندا ء«تىل – قازىنا» عىلىمي-پراكتيكالىق ورتالىعىنىڭ باس ديرەكتورى ماقپال جۇماباي مەن حالىقارالىق قازاق ءتىلى قوعامىنىڭ اتقارۋشى ديرەكتورى سايلاۋحان ابىلاي قاتىسۋشىلارعا ارنايى ۇندەۋ جولدادى. ولار ءتىلدىڭ تاۋەلسىزدىك پەن حالىق بىرلىگىنىڭ باستى نىشانى ەكەنىنە نازار اۋداردى.
ديكتانت ارنايى جابدىقتالعان وقۋ سىنىپتارىندا ءوتتى. قاتىسۋشىلار پاتريوتتىق مازمۇنداعى ءماتىندى تىڭداپ, جازباشا تۇرىندە ورىندادى.
ايتا كەتسەك, شارا سوڭىندا قاتىسۋشىلارعا ەلەكتروندى العىس حاتتار مەن كىتاپ قوسىمشاسىنا تەگىن جازىلىمدار تابىستالدى.
اسكەري قىزمەتشىلەردىڭ «ۇلتتىق ديكتانت» رەسپۋبليكالىق جوباسىنا قاتىسۋى – ءبىلىم سىناعى عانا ەمەس, وتان قورعاۋشىلار اراسىنداعى ءتىل مادەنيەتىن دامىتۋعا قوسىلعان ۇلەس بولدى.
