يساتاي اۋدانىنىڭ ح.ەرعاليەۆ اۋىلىندا تۇرامىن. بيىل «جايىقمۇنايگاز» باسقارماسىندا جۇمىس ىستەگەنىمە 40 جىل تولدى. وسى كەزەڭدە مۇناي-گاز ءوندىرۋشى وپەراتور رەتىندە مول تاجىريبە جينادىم. باستاپقىدا بىلىكتى مۇنايشىلاردىڭ تاعىلىمعا تولى كەڭەسىن تىڭدادىم, ونەگەلى ىسىنەن ۇلگى الدىم. ەل ەكونوميكاسىنىڭ جەتەكشى سالاسىندا جۇمىس ىستەۋدىڭ وزىندىك قيىندىعى بار. جەر استىنداعى تابيعي بايلىقتىڭ ۇزدىكسىز ءوندىرىلۋىن, توپىراققا توگىلمەۋىن ۇدايى قاداعالاۋ قاجەت. بۇل – ءبىزدىڭ كۇندەلىكتى اتقاراتىن مىندەتىمىز.
كەيىنگى جىلدارى قاراپايىم ەڭبەك ادامىنىڭ مارتەبەسىن كوتەرۋگە ەرەكشە نازار اۋدارىلىپ كەلەدى. بۇگىنگى جۇمىسشىلاردىڭ مەملەكەتتىك ناگرادالارمەن ماراپاتتالىپ, ابىرويىنىڭ اسقاقتاعانى جاستاردىڭ ەڭبەك ەتۋگە قىزىعۋشىلىعى مەن قۇلشىنىسىن وياتادى.
اتىراۋ وبلىسى
