سۋرەت: ernur.kz
بۇگىندە شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ «№1 ارناۋلى الەۋمەتتىك قىزمەت كورسەتۋ ورتالىعى» كوممۋنالدىق مەملەكەتتىك مەكەمەسىندە قىزمەت اتقارامىن. وسى قىزمەتتە جۇرگەنىمە 25 جىل بولدى. العان ماراپاتىم – سول ەتكەن ەڭبەگىمنىڭ وتەۋى, ۇجىمنىڭ ەڭبەگىمدى باعالاۋى. ءار كاسىپتىڭ ءوز قيىندىعى بار. ءبىزدىڭ جۇمىس الەۋمەتتىك وسال توپتاعى ازاماتتارعا كومەك كورسەتۋ بولعاندىقتان, بۇل كاسىبىمدى ءارى ەڭبەك, ءارى ساۋاپتى ءىس دەپ قارايمىن.
ەگەمەندىك تۋرالى دەكلاراتسيا قابىلداۋ ارقىلى تاۋەلسىزدىكتىڭ العاشقى ىرگەتاسى قالاندى. سودان بەرى دە 35 جىل سىرعىپ وتە شىعىپتى. وسى ۋاقىت ارالىعىندا بايتاق ەلىمىز ادام تانىماستاي وزگەردى. جىلدان-جىلعا دامىپ, گۇلدەنىپ كەلەدى. سول جولدا جۇدىرىقتاي جۇمىلىپ, ىنتىماقپەن ەڭبەك ەتە بەرۋ – بارشامىزدىڭ ورتاق بورىشىمىز.
جۇرەك قالاۋىمەن تاڭداعان ماماندىعىن جەتىك مەڭگەرىپ, قيىندىعىنا ءتوزىپ, جەمىسىنە قۋاناتىن جانداردىڭ ادال ەڭبەگى ارقاشان دا ەلەنگەنى ءجون.
شىمكەنت
