Invest Hong Kong گونكونگتا جەكە قاتىسۋدى ارتتىرۋعا, ونىڭ ىشىندە بيزنەستى تىركەۋگە, بانك شوتتارىن اشۋعا, جۇمىس ۆيزالارىن, قاجەتتى ليتسەنزيالار مەن رۇقساتتاردى الۋعا, وندىرىستىك جانە وفيستىك الاڭداردى, تۇرعىن ءۇيدى جالعا الۋعا جانە جۇمىس رەجيمىندەگى وزگە دە وزەكتى ماسەلەلەرگە مۇددەلى كومپانيالارعا جان-جاقتى قولداۋ كورسەتەدى.
الفا لاۋ قازاقستاننىڭ قحر مەن گونكونگ سار ءۇشىن سەنىمدى ينۆەستيتسيالىق ارىپتەس رەتىندە عانا ەمەس, ورتالىق ازيا نارىعىنا شىعۋعا جول اشاتىن ستراتەگيالىق حاب رەتىندە ماڭىزدى ءرولىن اتاپ ءوتتى. ونىڭ ايتۋىنشا, كوپتەگەن گونكونگتىق كومپانيالار, اتاپ ايتقاندا قارجى سەكتورىنان قازاقستانعا جوعارى قىزىعۋشىلىق تانىتۋدا. گونكونگتىڭ الەۋەتىن وڭتۇستىك ازيا نارىقتارىنا شىعۋ ءۇشىن تۇعىرناما رەتىندە پايدالانۋدى قوسا العاندا, ىنتىماقتاستىقتى دامىتۋ ەكى تاراپ ءۇشىن دە ءوزارا ءتيىمدى بولادى.
الفا لاۋنىڭ ايتۋىنشا, بىلتىر گونكونگقا 45 ملن ادام كەلگەن. ايتا كەتەيىك, ونىڭ حالقى 7,5 ملن ادامدى قۇرايدى."وتكەن جىلدىڭ سوڭىندا گونكونگتا نەگىزگى كومپانيالارى گونكونگتان تىس جەرلەردە ورنالاسقان 9960 ۇيىم جۇمىس ىستەدى. «بۇل نەگىزگى كومپانيالاردىڭ ورنالاسۋى جىلدان جىلعا وزگەرمەيدى: بۇل قۇرلىقتىق قىتاي, جاپونيا, اقش, ۇلىبريتانيا جانە سينگاپۋر», دەيدى بايانداماشى.
لاۋ حانىمنىڭ ايتۋىنشا, «ورتالىق ازيانىڭ ءۇش ەلى, ەۆرازيا قۇرلىعىنىڭ ءدال ورتاسىندا ورنالاسقان, ء«بىر بەلدەۋ, ءبىر جول» باستاماسىنىڭ ماڭىزدى ورتالىقتارى. «ولاردىڭ باي تابيعي رەسۋرستارى, جالعاسىپ جاتقان ەكونوميكالىق رەفورمالارى مەن ۇلكەن نارىقتىق الەۋەتى, قۋاتتى ءوسۋدىڭ سەرپىنىن قامتاماسىز ەتەدى», دەپ اتاپ ءوتتى لاۋ حانىم.
ونىڭ ايتۋىنشا, گونكونگتىڭ سەنىمدى قۇقىقتىق-نورماتيۆتىك بازاسى, قاراپايىم سالىق رەجيمى ورتالىق ازياداعى ينفراقۇرىلىمدىق جانە دەۆەلوپەرلىك جوبالاردى قارجىلاندىرۋدىڭ ارتاراپتاندىرىلعان ارنالارىن قامتاماسىز ەتە الادى.
گونكونگتىڭ الەۋەتىن وڭتۇستىك ازيا نارىقتارىنا شىعۋ ءۇشىن تۇعىرناما رەتىندە پايدالانۋدى قوسا العاندا, ىنتىماقتاستىقتى دامىتۋ ەكى تاراپ ءۇشىن دە ءوزارا ءتيىمدى بولادى. سوڭعى جىلدارى گونكونگ پەن قازاقستان اراسىنداعى تاۋار اينالىمىنىڭ جالپى كولەمىنىڭ ءوسۋى بايقالدى جانە ونى ودان ءارى ۇلعايتۋ ءۇشىن بارلىق العىشارتتار بار.
سونىمەن قاتار, ول الماتى مەن گونكونگ اراسىنداعى تىكەلەي اۋە قاتىناسىن قالپىنا كەلتىرۋ بويىنشا بىرلەسكەن كۇش-جىگەر جۇمساۋعا شاقىردى.
