فوتو: سۋ رەسۋرستارى جانە يرريگاتسيا مينيسترلىگى
266 قىزمەتكەردىڭ ىشىندە 9 مامانعا مەملەكەتتىك ناگرادا, 6 ادامعا «ەڭبەك ارداگەرى» مەدالى, 8 وكىلگە «سۋ شارۋاشىلىعىنىڭ ارداگەرى» توسبەلگىسى, 39 قىزمەتكەرگە «سۋ شارۋاشىلىعىنىڭ ۇزدىگى» توسبەلگىسى, 84 مامانعا قۇرمەت گراموتاسى, 120 قىزمەتكەرگە العىس حات تابىستالدى.
سالا قىزمەتكەرلەرى مەن ارداگەرلەرىن رەسپۋبليكا كۇنىمەن قۇتتىقتاپ, ولاردىڭ ەڭبەكتەرىنە زور العىس بىلدىرگەن مينيستر نۇرجان نۇرجىگىتوۆ ايتۋىنشا مەملەكەت باسشىسى جاريالاعان جۇمىسشى ماماندىقتار جىلى اياسىندا سۋ سالاسى ماماندارىنىڭ مارتەبەسىن ارتتىرۋ باعىتىندا ماڭىزدى قادامدار جاسالدى.
«اتاپ ايتقاندا, ەڭبەكاقىنى ارتتىرۋ, بىلىكتىلىكتى ارتتىرۋدىڭ جاڭا باعدارلامالارىن ىسكە قوسۋ, «مەملەكەتتىك ناگرادالار تۋرالى» زاڭعا وزگەرىستەر ەنگىزۋ جانە جالپى ەڭبەك جاعدايلارىن جاقسارتۋ شارالارى قولعا الىندى. بۇل جۇمىستار كەلەسى جىلى دا جالعاسىن تابادى», دەدى ن.نۇرجىگىتوۆ.
