كەمە قازاقستاننىڭ مەملەكەتتىك شەكاراسى مەن كونتينەنتتىك قايراڭىن كۇزەتۋگە, زاڭسىز كەمە قاتىناسىن, كونتراباندانى جانە قاراقشىلىقتى بولدىرماۋعا ارنالعان. جوعارى جىلدامدىقتى ديزەلدى قوزعالتقىشتارمەن جابدىقتالعان سۋ كولىگى 7-10 كۇن اۆتونومدى جۇزە الادى. قارۋ-جاراق كەشەنىندە 12,7 مم اۆتوماتتاندىرىلعان باسقارۋ جۇيەسى بار.
-«سەمەي» كەمەسى زاماناۋي ناۆيگاتسيالىق جۇيەلەرمەن, جوعارى دالدىكتەگى باقىلاۋ قۇرىلعىلارىمەن جانە كۇردەلى جاعدايدا ءتيىمدى قىزمەت اتقارا الاتىن قارۋ-جاراقپەن جابدىقتالعان. بۇل – ەلىمىزدىڭ تەڭىز شەكاراسىنىڭ قاۋىپسىزدىگىن قامتاماسىز ەتۋگە باعىتتالعان ماڭىزدى باستاما. كەمەنى قۇراستىرىپ, جوبالاعان «ورال «زەنيت» زاۋىتىنىڭ ماماندارىنا العىس ايتامىن, شەكاراشىلارعا مىقتى دەنساۋلىق, تابىستى قىزمەت, بەيبىت تەڭىز جانە اشىق اسپان تىلەيمىن, دەدى ءوڭىر باسشىسى ن.قيلىباي. سونداي-اق ايماق باسشىسى بۇل وقيعانىڭ جاڭا كەمە ءۇشىن عانا ەمەس, مەملەكەت باسشىسىنىڭ تاپسىرماسىنا سايكەس ءوڭىردىڭ اسكەري-ەكونوميكالىق الەۋەتىن نىعايتۋداعى ماڭىزدى قادام ەكەنىن اتاپ ءوتتى.
سالتاناتتى ءىس-شارا سوڭىندا قاتىسۋشىلار كەمە ەكيپاجىمەن جانە ونىڭ تەحنيكالىق مۇمكىندىكتەرىمەن تانىستى.
ماڭعىستاۋ وبلىسى
