فوتو: ortcom.kz
بۇگىندە «قاپال», «جانسۇگىروۆ», «سارقان», «قويلىق», «قابانباي», ء«ۇشارال» ەلدى مەكەندەرىندە 6 اۆتوماتتاندىرىلعان گاز تاراتۋ ستانتسياسىنىڭ قۇرىلىسى تولىق اياقتالدى. بۇل گاز قۇبىرى 134 مىڭنان استام تۇرعىنى بار 84 ەلدى مەكەنىن گازداندىرۋدىڭ نەگىزى بولادى. تاراتۋ جەلىلەرىنىڭ قۇرىلىسىن سالۋعا ارنالعان جوبالىق-سمەتالىق قۇجاتتاما بويىنشا مەملەكەتتىك ساراپتامانىڭ وڭ قورىتىندىسىن الۋ كۇتىلىپ وتىر. جەلىلەردى تارتۋ جۇمىسىن جەتىسۋ وبلىسى اكىمدىگى اتقارادى.
سونداي-اق, كاتارلىق سەرىكتەستەرمەن بىرلەسىپ ستراتەگيالىق ماڭىزى بار «بەينەۋ-بوزوي-شىمكەنت» گاز قۇبىرىنىڭ ەكىنشى جەلىسىنىڭ قۇرىلىسى جالعاسىپ جاتىر.
ەنەرگەتيكا مينيسترلىگىنىڭ مالىمەتىنشە بيىل رەسپۋبليكا بويىنشا 81 جوبانى ىسكە اسىرۋ جوسپارلانىپ وتىر. ناتيجەسىندە 94 ەلدى مەكەننىڭ شامامەن 300 مىڭ تۇرعىنى تابيعي گازعا قول جەتكىزەدى. وسىلايشا, جىل قورىتىندىسى بويىنشا قازاقستاننىڭ گازداندىرۋ دەڭگەيى 63,8 پايىزعا جەتەدى.
