فوتو:sports.kz
ءتۋرنيردىڭ ەكىنشى راكەتكاسى سانالاتىن ەلەنا رىباكينا ەكىنشى اينالىمدا كانادالىق لەيلا فەرناندەسپەن كەزدەستى. الەمدىك رەيتينگتە 22-ورىندا تۇرعان, 2021 جىلعى اقش چەمپيوناتىنىڭ ءفيناليسى سانالاتىن قارسىلاسىن قازاقستاندىق تەننيسشى 6:4, 6:3 ەسەبىمەن جەڭىپ, شيرەك فينالعا جولداما الدى.
ويىن ءبىر ساعات 28 مينۋتقا سوزىلعان. رىباكينا بۇل ماتچتا 6 ەيس ورىنداپ, 4 برەيك-پوينتتىڭ ۇشەۋىن ءتيىمدى پايدالاندى. ال فەرناندەس 1 ەيس جانە 1 برەيكپەن شەكتەلگەن.
ەندى ەلەنا جارتىلاي فينال جولداماسىن الەمنىڭ 23-راكەتكاسى, كانادالىق ۆيكتوريا مبوكومەن ساراپقا سالادى.
بۇل جەڭىس رىباكينا ءۇشىن قاتارىنان بەسىنشى بولدى. ول وتكەن اپتادا قىتايدىڭ نينبو قالاسىندا وتكەن WTA 500 تۋرنيرىندە چەمپيون اتانعان ەدى.
قازىر قازاقستاندىق سپورتشى قاراشا ايىندا ەر-ريادتا وتەتىن ماۋسىمنىڭ قورىتىندى تۋرنيرىنە قاتىسۋ مۇمكىندىگىنە ءبىر جەڭىس قانا جەتپەي تۇر.
