وسىلايشا, سايىسقا ەرەكشە بىلىمگە مۇددەلى مەكتەپ وقۋشىلارى قاتىستى. مۇنداعى ماقسات – ينكليۋزيالىق مادەني-سپورتتىق ءىس-شارالار ارقىلى دوستىق بايلانىستى, الەۋمەتتىك بەلسەندىلىكتى, ءوزارا سىيلاستىقتى نىعايتۋ.
«AMANAT» پارتياسى الماتى وبلىستىق فيليالىنىڭ اتقارۋشى حاتشىسىنىڭ ورىنباسارى اسلان كوبەنتاەۆتىڭ ايتۋىنشا, مۇنداي ءىس-شارا وڭىردە ءۇشىنشى رەت وتكىزىلۋدە.
«پارتيانىڭ باستاماسىمەن ءۇشىنشى جىل قاتارىنان «تەڭ مۇمكىندىكتەر» اتتى ينكليۋزيۆتى سپورت فەستيۆالى وتكىزىلىپ كەلەدى. بۇل – «كەدەرگىسىز كەلەشەك» اتتى پارتيالىق جوبامىزدىڭ ماڭىزدى بولىگى. بۇگىنگى ءىس-شاراعا وبلىستىڭ تۇكپىر-تۇكپىرىنەن 50-گە جۋىق ءجاسوسپىرىم جينالدى. بالالار بوچچا, جەڭىل اتلەتيكا, ەستافەتا سىندى سپورت تۇرلەرى بويىنشا ونەر كورسەتتى. تالاپشىل, جىگەرلى بالالار ءبارىمىزدى ءتانتى ەتتى», دەدى ول.
جەڭىمپازدار ديپلومدارمەن جانە باعالى سىيلىقتارمەن ماراپاتتالدى. كوماندالىق ەسەپ بويىنشا ەڭبەكشىقازاق اۋدانى 1-ورىن, قاراساي اۋدانى 2-ورىن, ال ىلە اۋدانى 3-ورىن يەلەندى. ناتيجەسىندە رەسپۋبليكالىق كەزەڭگە 18 وقۋشى جولداما الدى.
ايتا كەتەيىك, ەرەكشە قاجەتتىلىگى بار ادامدارعا قولداۋ كورسەتۋ – «AMANAT» پارتياسى اتقاراتىن جۇمىستاعى نەگىزگى باسىمدىقتىڭ ءبىرى. ماسەلەن, پارتيانىڭ «حالىقپەن بىرگە!» سايلاۋالدى باعدارلاماسىن جۇزەگە اسىرۋ جۇمىسى اياسىندا 2028 جىلعا دەيىن ءاربىر ەلدى مەكەندە ينكليۋزيانى قولداۋدىڭ كەمىندە ءبىر كابينەتىن اشۋ كوزدەلگەن.
