فوتو: bbc.com
ەلدىڭ ىشكى ىستەر مينيسترلىگى جولداعان حاتتا, قاقتىعىستى توقتاتۋ باعىتىنداعى بەلگىلى ءبىر ىلگەرىلەۋگە قاراماستان, گازا سەكتورىنداعى جاعدايدىڭ ءالى دە «اسا كۇردەلى جانە بولجاپ ءبىلۋ مۇمكىن ەمەس» ەكەنى ايتىلعان. ۆەدومستۆو بالالاردى شەتەلگە شىعارۋ پروتسەسى كوپتەگەن قيىن راسىمدەردى قامتيتىنىن, ولاردىڭ جەكە باسىن انىقتاۋ, وتباسىلىق ەرىپ جۇرۋشىلەردىڭ قاۋىپسىزدىگىن قامتاماسىز ەتۋ, شىعىن كولەمىن ەسەپتەۋ جانە ەمدەلۋدەن كەيىن ەلگە قايتارۋ مۇمكىندىگىن باعالاۋ قاجەت ەكەنىن اتاپ ءوتتى.
گاننوۆەر مەرى بەليت وناي فەدەرالدىق ۇكىمەتتىڭ شەشىمىنە وكىنىش ءبىلدىرىپ, بۇل شەشىمدى «جوعارى دارەجەدە كوڭىل قالدىراتىن ءارى تۇسىنىكسىز» دەپ اتادى. ونىڭ ايتۋىنشا, قالا بيلىگى ەرەكشە قورعانىشقا مۇقتاج بالالاردى قابىلداۋعا تولىق دايىن بولعان. باستامانى برەمەن, ديۋسسەلدورف, لەيپتسيگ, بونن, فرانكفۋرت, كيل قالالارىنىڭ اكىمشىلىكتەرى مەن تومەنگى ساكسونياداعى پروتەستانتتىق شىركەۋلەر دە قولداعان ەدى.
ال فەدەرالدىق ۇكىمەت ءوز ۇستانىمىندا قالعان. باسىمدىق زارداپ شەككەندەرگە مەديتسينالىق كومەكتى تىكەلەي وقيعا ورنىندا كورسەتۋگە بەرىلەدى, ياعني ناۋقاستاردى شەتەلگە اكەتپەي, كومەك سول جەردە ۇيىمداستىرىلماق.
ايتا كەتسەك, بۇعان دەيىن حاماس يزرايلگە قازا تاپقان ەكى تۇتقىننىڭ دەنەسىن قايتارۋعا ۋادە بەرگەن بولاتىن.
