- پاراپاۋەرليفتينگتەن مىسىر استاناسى كايردە ءوتىپ جاتقان الەم چەمپيوناتىندا داۆيد دەگتيارەۆ توپ جاردى. 54 كگ سالماقتا سىنعا تۇسكەن وتانداسىمىز 567 كگ كورسەتكىشكە قول جەتكىزدى. بۇل – ازيانىڭ جاڭا رەكوردى. داۆيد اتالعان جارىستا ءۇشىنشى مارتە جەڭىمپاز اتانىپ وتىر. سونداي-اق توكيو مەن پاريجدە وتكەن وليمپيا ويىندارىندا باس جۇلدەنى ولجالادى.
- چەرنوگوريانىڭ پودگوريتسا قالاسىندا وتكەن G-1 ساناتىنداعى تۋرنيردە ەلىمىزدىڭ تاەكۆوندوشىلارى قوس جۇلدەگە قول جەتكىزدى. 74 كگ سالماقتا كۇش سىناسقان ماقسات ورىنباسار التىن تۇعىرعا كوتەرىلسە, 58 كگ سالماقتاعى ازىرەت دۇيسەنبەك قولا مەدالدى قورجىنعا سالدى.
- قۇرلىقتىق حوككەي ليگاسىندا كۇش سىناسىپ جۇرگەن «بارىس» كەزەكتى تۋردا نوۆوسيبيرسكىنىڭ ء«سيبيرىن» قابىلدادى. العاشقى تايمدا ايدىن يەلەرى ەكى شايبا سوعىپ العا شىقسا, ۇزىلىستەن كەيىن قوناقتار ءۇش گولمەن جاۋاپ قايىردى. سوڭعى 20 مينۋتتا استانالىقتار تارازى باسىن تەڭەستىردى. وۆەرتايمدا جەڭىمپاز انىقتالمادى. بۋلليت سوعۋ بارىسىندا ء«سيبيردىڭ» جولى بولدى. ەسەپ – 3:4.
- الداعى ايلاردا كونكيدەن الەم كۋبوگىنىڭ ىرىكتەۋ سايىستارى وتەدى. العاشقى سىناق 14-16 قاراشا ارالىعىندا اقش-تىڭ سولت-لەيك-سيتي قالاسىندا ۇيىمداستىرىلادى. ەكىنشىسىن 21-23 قاراشادا كانادانىڭ كالگاريى قابىلدايدى. ءۇشىنشىسى 5-7 جەلتوقساندا نيدەرلاندتىڭ حەرەنۆەندىندە, ءتورتىنشىسى 12-14 جەلتوقساندا نورۆەگيانىڭ حامارىندا وتەدى. سول جارىستاردىڭ قورىتىندىسى بويىنشا وليمپيا ويىندارىنا قاتىساتىن كونكيشىلەر انىقتالادى. ىرىكتەۋ سىناقتارىنا كىمدەردىڭ قاتىساتىنى قازىرگى كەزدە استانادا شىمىلدىعى تۇرىلگەن قازاقستان كۋبوگى بارىسىندا انىقتالادى.
- قازاقتىڭ تانىمال ارالاس جەكپە-جەك شەبەرى, Oktagon ليگاسىنىڭ چەمپيونى جالعاس جۇماعۇلوۆ (18-9) كەلەسى كەزدەسۋىن 29 جەلتوقساندا پراگادا وتكىزەدى. ول ءوزىنىڭ چەمپيوندىق اتاعىن قورعاپ قالۋ ءۇشىن چەحيالىق داۆيد دۆورجاكپەن (22-6) ايقاسادى.
