فوتو: gov. kz
مۇرات مىرقان ۇلى 1953 جىلى شىعىس قازاقستان وبلىسى كۇرشىم اۋدانىنىڭ سارىقامىس قىستاعىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن ءتامامداپ, «كوممۋنيزم تۋى» (قازىرگى «ديدار») گازەتىندە جانە وڭىرلىك باق-تا ۇزاق جىل ەڭبەك ەتكەن. «ماڭگى جاس عۇمىر», «مارقاكولىم – ءموپ-ءمولدىرىم, مەرەيىم», «التىن تاۋ – التاي» جىر جيناقتارىنىڭ اۆتورى, 60-تان استام ءاننىڭ ءسوزىن جازعان.
ول «كۇرشىم اۋدانىنىڭ قۇرمەتتى ازاماتى» اتانىپ, تۋعان ولكەسىنىڭ رۋحاني ومىرىنە ولشەۋسىز ۇلەس قوسىپ, انا ءتىلى مەن ۇلتتىق رۋحتىڭ جاناشىرى بولدى. «قازاق ءتىلى» قوعامىنىڭ وسكەمەن قالالىق ۇيىمىن باسقارىپ, ءسوزدىڭ كيەسىن, ءتىلدىڭ قادىرىن ۇلىقتادى. كەيىن وبلىستىق تەلە-راديوكومپانيادا, سەمەيدەگى «ەرتىس ءوڭىرى» گازەتىندە جانە امىرە قاشاۋباەۆ اتىنداعى فيلارمونيادا قىزمەت ەتىپ, مادەنيەت پەن ونەردىڭ دامۋىنا ەلەۋلى ەڭبەك سىڭىرگەن.
«مۇرات مىرقان ۇلىنىڭ قالامىنان تۋعان ماقالالارى, ۇلتتىق ادەبيەتىمىزدىڭ قازىناسىن بايىتقان شىعارمالارى ەل جادىندا ماڭگى ساقتالادى دەپ سەنەمىز. ۇلتىنا ادال قىزمەت ەتكەن ابزال ازاماتتىڭ جانى ءجانناتتا, يمانى سالامات بولعاي», دەلىنگەن حابارلامادا.
