اتبەگىلەر دالا ءتوسىن دۇبىرگە بولەگەن ات بايگەسىنىڭ بەس تۇرىنە جەلدەن جىلدام شاباتىن 70-تەن استام جۇيرىكتى قوستى. بەس بايگەنىڭ جۇلدە قورى 21 ملن تەڭگەنى قۇرادى. الدىمەن جۇرتشىلىقتىڭ نازارى 33 شاقىرىمعا سوزىلعان الامان بايگەگە اۋدى. ال اتبەگىنىڭ ءبارى دە اششى تەرىن الىپ, باپتاعان جۇيرىگىنىڭ توپتان وزعانىن قالادى.
ءبىر قىزىعى, ەر قاناتىنا بالانعان ات بايگەسىندە تاقىمى مىقتى 10 جاسار شاباندوز شاكارىم ءتاجىنىڭ باعى جاندى. ول تىزگىنىن ۇستاعان جۇيرىكتىڭ ءبىرى الامان بايگەدە توپتان وزدى. بايگەنىڭ جۇلدەسى – 5 ملن تەڭگە. كىشكەنتاي شاباندوزدىڭ تاعى ءبىر جۇيرىگى 6 شاقىرىمدىق قۇنان جارىسىندا مارەگە ءبىرىنشى جەتتى. ال تاي جارىسىندا ەكىنشى, توپ بايگەدە ءۇشىنشى ورىن العان شاكارىم ۇيىنە ءتورت جۇلدەمەن ورالدى.
«اعايىم اتقا ءمىنۋدى ۇيرەتىپ, كوپتەگەن بايگەگە دايارلادى. جەتى جاسىمنان بەرى شاباندوز رەتىندە بايگەگە قاتىسىپ ءجۇرمىن. جۇيرىكتىڭ تىزگىنىن قاي كەزدە جىبەرۋدى بىلەمىن. وسى كەزگە دەيىن استانا قالاسىندا, ماڭعىستاۋ وبلىسىندا وتكەن بايگەلەردە جۇلدەگەر اتانعان ەدىم», دەيدى ش.ءتاجى.
اتىراۋ وبلىسى
