وتىرىستا ىشكى ىستەر, دەنساۋلىق ساقتاۋ, وقۋ-اعارتۋ, مادەنيەت جانە اقپارات مينيسترلەرى مەملەكەت باسشىسىنىڭ بيىلعى تامىز ايىندا وتكەن قاۋىپسىزدىك كەڭەسى وتىرىسىندا بەرگەن ناشاقورلىقتىڭ تارالۋىنا قارسى شارالار قابىلداۋ جونىندەگى تاپسىرمالارىن جۇزەگە اسىرۋ بارىسى تۋرالى بايانداما جاسادى. ۇكىمەت جانىنداعى قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيانىڭ تاپسىرمالارى اياسىندا اتقارىلىپ جاتقان شارالارعا نازار اۋدارىلدى.
پرەمەر-مينيستر ناشاقورلىق پەن ەسىرتكى قىلمىسى ۇلتتىق قاۋىپسىزدىككە قاتەر توندىرەتىن جانە جۇيەلى ءارى ۆەدومستۆوارالىق ءتاسىلدى تالاپ ەتەتىن وزەكتى ماسەلە رەتىندە قالا بەرەتىنىن ايتتى.
«مەملەكەت باسشىسى جاريالاعان «زاڭ مەن ءتارتىپ» قاعيداتىن قامتاماسىز ەتۋ – قوعامنىڭ ورنىقتى دامۋىنىڭ, قۇقىقتىق ءتارتىپتى نىعايتۋدىڭ, ازاماتتار قۇقىعىن قورعاۋدىڭ ماڭىزدى شارتى. مەملەكەتتىك ورگاندار ناشاقورلىقتىڭ الدىن الۋ مەن ەسىرتكى قىلمىسىنا قارسى ءىس-قيمىل بويىنشا اۋقىمدى جۇمىستار جۇرگىزىپ كەلەدى. بىرقاتار زاڭ قابىلدانىپ, سالالىق ينستيتۋتتار مەن ينفراقۇرىلىمدار قۇرىلۋدا, بۇل سالاداعى حالىقارالىق ىنتىماقتاستىق كەڭەيە ءتۇستى. اتالعان جۇمىس قارقىنىن تومەندەتۋگە بولمايدى, ول جالپىۇلتتىق سيپاتقا يە بولۋى كەرەك», دەدى و.بەكتەنوۆ.
بۇگىندە ەلىمىزدە 2026–2028 جىلدارعا ارنالعان ناشاقورلىق پەن ەسىرتكى بيزنەسىنە قارسى كۇرەستىڭ كەشەندى جوسپارى ازىرلەنۋدە, وندا جاڭا ستراتەگيا مەن تاسىلدەر قولدانىلادى. جاستار اراسىندا, ونىڭ قاتارىندا NEET ساناتىنداعى وقىمايتىن جانە جۇمىس ىستەمەيتىن جاستار اراسىندا, الدىن الۋعا ەرەكشە نازار اۋدارىلادى. بۇقارالىق سپورت پەن شىعارماشىلىق شەشىمدەردىڭ مۇمكىندىكتەرىن بەلسەندى پايدالانۋ قاجەت ەكەنىنە نازار اۋدارىلدى.
ىشكى ىستەر ءمينيسترى ەرجان سادەنوۆ ەسىرتكىنىڭ ينتەرنەت-ساۋداسىنا قارسى ءىس-قيمىل جونىندەگى جۇمىستىڭ جاندانعانى تۋرالى باياندادى. «كيبەرنادزور» جۇيەسىنىڭ كومەگىمەن انىقتالعان جانە بۇعاتتالعان سايتتار سانى 11 ەسەگە ءوستى. بارلىعى 26,5 مىڭنان استام ينتەرنەت-رەسۋرس جابىلدى. 35 مىڭنان استام كارتالىق شوت بۇعاتتالدى, 4 مىڭنان استام ادام قىلمىستىق جاۋاپكەرشىلىككە تارتىلدى. وسى جىلدىڭ 9 ايىندا ەسىرتكىگە قاتىستى 6 210 قۇقىق بۇزۋشىلىق انىقتالدى, 26,1 توننا ەسىرتكى تاركىلەندى.
پرەمەر-مينيستر ءىىم-گە جىل سوڭىنا دەيىن اكىمدىكتەردىڭ ەسىرتكىگە قاتىستى قۇقىق بۇزۋشىلىقتاردىڭ الدىن الۋ جونىندەگى قىزمەتىن باعالاۋدىڭ العاشقى جيناقتالعان رەيتينگىن دايىنداۋدى تاپسىردى. دەنساۋلىق ساقتاۋ مينيسترلىگى ەسىرتكىگە تاۋەلدى ادامداردى ەمدەۋ مەن وڭالتۋدىڭ تيىمدىلىگىن ارتتىرۋعا باعىتتالعان شارالار قابىلداندى. ناركولوگيا بويىنشا كلينيكالىق حاتتامالار قايتا قارالدى جانە ەمدەۋ ساپاسىنىڭ حالىقارالىق باعدارلاماسى ەنگىزىلىپ جاتىر.
ءىىم ۇسىنىسى شەڭبەرىندە مادەنيەت جانە اقپارات مينيسترلىگىمەن, وتاندىق وندىرۋشىلەرمەن بىرلەسىپ, حالىقتى ەسىرتكىگە ارنالعان قولجەتىمدى ەكسپرەسس-تەستەرمەن, ونىڭ قاتارىندا الەۋمەتتىك وسال توپتاردى تەگىن قامتاماسىز ەتۋ ماسەلەسىن پىسىقتاۋ جۇكتەلدى. بۇل باستاپقى تۇتىنۋ فاكتىلەرىن انىقتايتىن الدىن الۋ شاراسى بولادى. سونداي-اق ءبىر ايدا جەكەمەنشىك ناركولوگيالىق وڭالتۋ ورتالىقتارىنىڭ قىزمەتىن رەتتەيتىن قۇقىقتىق تاسىلدەردى ازىرلەپ شىعارۋ تالاپ ەتىلەدى.
ءبىلىم بەرۋ سالاسى تاراپىنان پروفيلاكتيكالىق جۇمىستار قولعا الىنعان. تاربيەلىك فۋنكتسيالاردى پەداگوگ-پسيحولوگتەر مەن الەۋمەتتىك پەداگوگتەردى قوسا العاندا, 360 مىڭ پەداگوگ جۇزەگە اسىرۋدا, وقۋشىلار قاۋىپسىزدىك ساباقتارىمەن 100% قامتىلعان, اتا-انالاردى پەداگوگيكالىق قولداۋدىڭ 6,8 مىڭ ورتالىعى جۇمىس ىستەيدى. سونداي-اق ءتيىستى ادىستەمەلىك ۇسىنىمدار ازىرلەندى.
مادەنيەت جانە اقپارات ءمينيسترى ايدا بالاەۆا ەسىرتكىگە قارسى ناسيحات بويىنشا جۇرگىزىلىپ جاتقان جۇمىستار تۋرالى باياندادى. ولجاس بەكتەنوۆ پروفيلاكتيكالىق جۇمىستى ناسيحاتتاۋدىڭ زاماناۋي نىساندارى مەن ادىستەرىن قولدانۋ قاجەتتىلىگىنە نازار اۋداردى. تانىمال ونلاين-پلاتفورمالاردا, كينوتەاترلاردا, قوعامدىق كولىكتەردە جانە ازاماتتاردىڭ جاپپاي جينالاتىن ورىندارىندا الەۋمەتتىك جارنامانى ورنالاستىرۋدىڭ ماڭىزدىلىعى اتاپ ءوتىلدى. وسىنى ەسكەرە وتىرىپ, «زاڭ مەن ءتارتىپ» تۇجىرىمداماسىن جۇزەگە اسىرۋ جونىندەگى اقپاراتتىق جۇمىستى تۇزەتۋ تاپسىرىلدى.
بۇدان بولەك, مادەنيەت جانە اقپارات, جاساندى ينتەللەكت مينيسترلىكتەرى ۇلتتىق قاۋىپسىزدىك كوميتەتىمەن بىرگە, ماقساتتى جارناما مەن ەسىرتكى سايتتارىن انىقتاۋعا جانە اۆتوماتتى تۇردە بۇعاتتاۋعا بەلسەندى تۇردە قوسىلۋى كەرەك. سينتەتيكالىق ەسىرتكىنىڭ جاڭا تۇرلەرىن انىقتاۋ ءۇشىن ادىلەت مينيسترلىگى سوت ساراپتاماسى ورگاندارىن زاماناۋي جابدىقتارمەن جاراقتاندىرۋ, ساراپشىلاردى ىرىكتەۋ مەن دايارلاۋ, سونداي-اق ءراسىمدى جەتىلدىرۋ مەن ساراپتاما جۇرگىزۋ ۋاقىتىن وڭتايلاندىرۋ قاجەت.
شەكاراداعى وتكىزۋ پۋنكتتەرى قازىرگى زامانعى تەكسەرۋ قۇرالدارىمەن, شەكارالىق باقىلاۋ مەن راديومونيتورينگتىڭ تەحنيكالىق قۇرالدارىمەن قامتاماسىز ەتىلەدى. وڭىرلەردىڭ اكىمدەرىنە ناشاقورلىققا قارسى ءىس-قيمىل جونىندەگى وبلىستىق شتابتاردى باسقارۋ جانە وسى جىلدىڭ قازان ايىنىڭ سوڭىنا دەيىن جەرگىلىكتى جاعدايلار مەن بيۋدجەتتەردىڭ مۇمكىندىكتەرىن ەسكەرە وتىرىپ, ناشاقورلىققا قارسى ءىس-قيمىل جونىندەگى ناقتى شارالاردى ازىرلەۋ تاپسىرىلدى.
پرەمەر-مينيستر بۇل شارالاردىڭ بارلىعى كەشەندى جوسپاردا كورىنىس تابۋعا ءتيىس ەكەنىن اتاپ ءوتتى. وتىرىس قورىتىندىسى بويىنشا شتابتىڭ 2026 جىلعا ارنالعان جۇمىس جوسپارى ماقۇلداندى.
