فوتو: وقۋ-اعارتۋ مينيسترلىگى (ارحيۆ)
وبلىستىق ءبىلىم بەرۋ باسقارماسى ءباسپاسوز قىزمەتىنىڭ مالىمەتىنە قاراعاندا, ۆاۋچەرلىك قارجىلاندىرۋ پيلوتتىق جوبا رەتىندە قولعا الىنعان.
ء«بىلىم تۋرالى زاڭنىڭ 62-بابىنىڭ 1-تارماعىنا سايكەس 2025 جىلعى قازان ايىنان باستاپ بەس بالاباقشانى ۆاۋچەرلىك قارجىلاندىرۋدىڭ پيلوتتىق جوباسىنان شىعارۋ تۋرالى شەشىم قابىلداندى. ناقتىلاي ايتقاندا, اتىراۋ قالاسىنداعى №20 «التىن بالىق», №8 ساناتوريالىق باعىتتاعى «اقبوتا», №28 «الماگۇل», №37 «بولاشاق» جانە №48 «رودنيچەك» بالاباقشالارى ۆاۋچەرلىك جۇيەدەن شىعارىلدى. كەيىنگى ءۇش بالاباقشا كۇردەلى جوندەۋدى قاجەت ەتىپ وتىر. ۆاۋچەرلىك جۇيە بويىنشا قارجى ناقتى قابىلدانعان بالالار سانىنا قاراي بولىنەدى. اتالعان مەكەمەلەر تولىققاندى قارجىلاندىرۋدى الا الماي كەلگەن», دەدى باسقارمانىڭ ءباسپاسوز قىزمەتى.
