بورودۋليحادا جوعالعان قىز بالانى پوليتسەيلەر تاپتى.
وبلىستىق پوليتسيا دەپارتامەنتىنىڭ مالىمەتىنشە, 13 قازاندا اباي وبلىسى بورودۋليحا اۋدانىنىڭ پوليتسياسىنا كامەلەتكە تولماعان ارۋجان سارجاننىڭ ۇيىنەن بەلگىسىز باعىتقا كەتىپ, سول قالپى ورالماعانى تۋرالى حابارلاما ءتۇستى.
پوليتسيا قىزمەتكەرلەرى بىردەن ىزدەستىرۋ شارالارىنا كىرىسىپ, قىزدىڭ ءجۇرۋى مۇمكىن باعىتتارى تەكسەرىلدى, تۇرعىندار مەن تۋىستارىنان جاۋاپ الىندى, سونداي-اق بارلىق قولجەتىمدى دەرەكقورلار مەن باعدارلار پايدالانىلدى.
«جۇرگىزىلگەن جۇمىستىڭ ناتيجەسىندە ارۋجان سەمەي قالاسىنان تابىلدى. قىزدىڭ ايتۋىنشا, ۇيدەن كەتۋىنە تۋىستارىمەن بولعان جانجال سەبەپ بولعان.
قازىرگى ۋاقىتتا ونىڭ ءومىرى مەن دەنساۋلىعىنا ەشقانداي قاۋىپ ءتونىپ تۇرعان جوق. قىز تۋىستارىنا تاپسىرىلدى», – دەلىنگەن وبلىستىق پوليتسيا دەپارتامەنتىنىڭ حابارلاماسىندا.
