2026 جىلعا قاراي ەلىمىز بويىنشا 14 مىڭ شاقىرىمنان استام ينجەنەرلىك جەلىلەردى جوندەۋ جانە 8 مىڭنان استام جابدىقتى اۋىستىرۋ ءۇشىن 1 ترلن تەڭگەدەن استام قارجى قاجەتتىگى ايقىندالدى.
كوممۋنالدىق كاسىپورىنداردىڭ ينۆەستيتسيالىق تارتىمدىلىعىن ارتتىرۋ ماقساتىندا ولاردى ىرىلەندىرۋ بويىنشا جۇمىس جۇرگىزىلۋدە. مەملەكەتتىك باعالى قاعازدار (مبق) تەتىگى اياسىندا ءتورت وڭىردە جىلۋ جەلىلەرىن جانە سۋ تازارتۋ كەشەندەرىن جاڭعىرتۋعا باعىتتالعان 10 پيلوتتىق جوباعا بولىنگەن 22,5 ملرد تەڭگەنىڭ 47%-ى يگەرىلدى.
«بايتەرەك» حولدينگى دۇنيەجۇزىلىك بانك, ەۋروپا قايتا قۇرۋ جانە دامۋ بانكى, سونداي-اق ەكسيمبانكپەن بەلسەندى ىنتىماقتاستىق ورناتىپ, ولاردىڭ جوبالاردى قارجىلاندىرۋعا دايىن ەكەنىن اتاپ ءوتتى.
ونەركاسىپ جانە قۇرىلىس مينيسترلىگى وڭىرلەر بويىنشا «اقىلدى» ەسەپتەۋ اسپاپتارىن ورناتۋ قاجەتتىلىگىن انىقتادى: 3 ملن استام سۋ ەسەپتەگىش, 3 ملن استام ەلەكتر ەنەرگياسى ەسەپتەگىش جانە 30 مىڭ جىلۋ ەسەپتەگىش ورناتۋ جوسپارلانىپ وتىر.
وتىرىس بارىسىندا قانات بوزىمباەۆ ۇلتتىق جوبا اياسىندا ازىرلەنىپ جاتقان ەلەكتروندى ساتىپ الۋ پلاتفورماسىنىڭ دايىندىق دەڭگەيىن تەكسەرىپ, ونىڭ العاشقى ءۇش ءمودۋلىن 1 قاراشاعا دەيىن ىسكە قوسۋدى تاپسىردى.
سونداي-اق ۆيتسە-پرەمەر ەكسج جوبالارى بويىنشا جىلدار مەن وڭىرلەر بويىنشا قاجەتتىلىكتى ايقىنداپ, دەرەكتەردى وتاندىق وندىرۋشىلەرگە بەرۋدى جانە B2B-كەزدەسۋلەر وتكىزۋدى تاپسىردى.
جوندەۋ جۇمىستارىنا قاجەتتىلىكتەر تۋرالى اقپارات modernization.kz رەسمي سايتىندا جانە مەملەكەتتىك ورگانداردىڭ ينتەرنەت-رەسۋرستارىندا جاريالانادى.
