قالا اكىمى دارحان ساتىبالدى فورۋمدا سويلەگەن سوزىندە الماتىنىڭ وڭىردەگى بيزنەس, تۋريزم جانە كرەاتيۆتى يندۋستريالار ءۇشىن تارتىمدى ورتالىق ەكەنىن اتاپ ءوتتى.
قازىرگى تاڭدا الماتى كرەاتيۆتى يندۋستريانىڭ جەتەكشى ورتالىعى مارتەبەسىن ساقتاپ وتىر. تۋريزم ورتالىعى رەتىندە دە قالانىڭ گەوگرافيالىق ءارى ايماقتىق ەرەكشەلىكتەرى باسىم. قالا باسشىسى دارحان ساتىبالدى فورۋم اياسىندا Booking.com, Priceline.com جانە uBid. com,-نىڭ تەڭ قۇرىلتايشىسى, تانىمال ينۆەستور جانە كاسىپكەر دجەفف حوففمانمەن كەزدەسىپ, كاسىپكەرلىكتى قولداۋ, يننوۆاتسيالىق ەكوجۇيەنى دامىتۋ جانە قالا ەكونوميكاسىنا ينۆەستيتسيالار تارتۋ ماسەلەسىن تالقىلادى. ستارتاپتار اۋقىمىن كەڭەيتۋ جانە قازاقستاندىق كومپانيالاردىڭ حالىقارالىق نارىققا شىعۋى دا تاراپتار نازارىنان تىس قالمادى.
فورۋم اياسىندا قارجىلانۋى 40 ملن دوللارعا جۋىق كرەاتيۆتى يندۋستريالاردىڭ ەلىمىزدەگى العاشقى قالالىق ۆەنچۋرلىق قورىن قۇرۋ تۋرالى كەلىسىمگە قول قويۋ كوزدەلگەن. كينو, ديزاين, تسيفرلىق مازمۇن جانە ويىن يندۋسترياسىنداعى جوبالار وسى قور تاراپىنان قارجىلاناتىن بولادى. اۋقىمدى جوبالاردىڭ ىسكە اسۋىمەن قالا ەكونوميكاسى دامىپ, ەلدىڭ قارجى جانە ىسكەرلىك ورتالىعى رەتىندەگى ءرولى نىعايا تۇسپەك.
فورۋم اياسىندا پانەلدىك پىكىرتالاستار, كورمەلەر, شەبەرلىك دارىستەرى مەن كەلىسسوزدەر ءوتىپ جاتىر.
الماتى
