سۋرەت: primeminister.kz
ءنوۆوسىبىر عالىمدارى دەلەگاتسياسىنىڭ ەلىمىزگە كەلۋ سەبەبى – عىلىمي-تەحنولوگيالىق سالاداعى ىنتىماقتاستىقتى نىعايتۋ. ساپار بارىسىندا جوعارى تەحنولوگيالىق اۋماق قۇرۋ مەن دامىتۋدىڭ وزىق تاجىريبەسىمەن الماسۋعا ەرەكشە نازار اۋدارىلدى. اتاپ ايتقاندا, قازاقستاندا ءنوۆوسىبىر عىلىمي-يننوۆاتسيالىق ەكوجۇيەسىنىڭ ەلەمەنتتەرىن ەنگىزۋ بويىنشا بىرلەسكەن جۇمىس توبىن قۇرۋ عىلىمي قالا قۇرۋدىڭ مودەلدىك ۇلگىسى رەتىندە تالقىلانىپ جاتىر.
سەرىك جۇمانعارين اتاپ وتكەندەي, كولتسوۆو مەن اكادەمقالاشىقتىڭ تاجىريبەسى قازاقستاننىڭ زور قىزىعۋشىلىعىن تۋدىرىپ وتىر.
«بۇل عىلىمدى, ءبىلىم مەن يننوۆاتسيانى ءبىرتۇتاس جۇيەگە بىرىكتىرۋدىڭ بىرەگەي مىسالى. ول وڭىرلەردىڭ ءبىلىمى مەن تەحنولوگيالىق دامۋىن كوممەرتسيالاندىرۋ ءۇشىن جاعداي جاسايدى», دەدى ۆيتسە-پرەمەر.
بۇگىندە ەلدەگى الماتى وبلىسى مەن كۋرچاتوۆ قالاسىندا عىلىمي قالا قۇرۋ جۇمىسى جۇرگىزىلىپ جاتىر. نەگىزگى باعىت — ەنەرگەتيكا, بيوتەحنولوگيا, ازىق-ت ۇلىك قاۋىپسىزدىگى, اقپاراتتىق تەحنولوگيا مەن جاساندى ينتەللەكت, جاڭا ماتەريالدار مەن يادرولىق تەحنولوگيالار.
رعا ۆيتسە-پرەزيدەنتى ۆالەنتين پارمون دەلەگاتسيا قۇرامىنا كولتسوۆو عىلىم قالاشىعىنىڭ ينفراقۇرىلىمىن دامىتۋعا تىكەلەي قاتىسقان ماماندار كىرگەنىن اتاپ ءوتتى. ساپار اياسىندا ولار استاناداعى KMG Engineering ۇلتتىق ونكولوگيالىق ورتالىعىنا بارىپ, جوعارى ءبىلىم جانە عىلىم مينيسترىمەن كەزدەستى.
قازاقستاندىق تاراپ كومىر حيمياسى سالاسىنداعى بىرلەسكەن جوبالارعا جانە ەلدىڭ ءىجو مەن ەكونوميكاسىنا ءتۇرلى فاكتورلاردىڭ اسەرىن باعالاۋعا قابىلەتتى جاساندى ينتەللەكت مودەلىن ازىرلەۋگە قىزىعۋشىلىق تانىتتى.
ء«بىز كوپسالالىمىز جانە كەز كەلگەن مىندەتكە قۇزىرەتتىلىككە دايىنبىز. مىسالى, كۇكىرتتى قايتا وڭدەۋ تەحنولوگياسى قازاقستانعا پايدالى بولۋى مۇمكىن», دەدى اكادەميك ۆالەنتين پارمون.
تەحنوقالا جوباسىن قۇرۋ جونىندەگى جۇمىس توبىن باسقاراتىن پروفەسسور, ەكونوميكا عىلىمدارىنىڭ كانديداتى جاقسىبەك قۇلەكەەۆ يادرولىق مەديتسينا جانە مۇناي حيمياسى سالاسىنداعى ءسىبىر رعا بولىمشەسىمەن ىنتىماقتاستىقتىڭ زور مۇمكىندىگىن اتاپ ءوتتى. ول ءنوۆوسىبىر مەن تومسك وبلىسىنداعى جابدىقتار مەن ازىرلەمەلەر بىرلەسكەن كۇش-جىگەرمەن تاراتۋعا بولاتىن ماڭىزدى ناتيجە كورسەتكەنىن ايتتى.
كەزدەسۋدە كۋرچاتوۆ قالاسىنىڭ دامۋ پەرسپەكتيۆاسىنا ەرەكشە نازار اۋدارىلدى. سەرىك جۇمانعاريننىڭ ايتۋىنشا, ونىڭ بولاشاعى عىلىم مەن تەحنولوگيانى كوممەرتسيالاندىرۋمەن تىكەلەي بايلانىستى.
سونداي-اق اكادەميكتەر ءنوۆوسىبىر اكادەمقالاشىعىندا قازاقستاننىڭ مادەنيەت جانە عىلىم كۇندەرىن ۇيىمداستىرۋدى ۇسىندى. ۆيتسە-پرەمەر ۆالەنتين پارمونعا قازاقستان رەسپۋبليكاسى پرەمەر-ءمينيسترىنىڭ اتىنان قازاقستان-رەسەي عىلىمي بايلانىسىن دامىتۋعا قوسقان ۇلەسى ءۇشىن العىس حات تابىس ەتتى.
