عالىمدار زەرتتەۋ بارىسىندا يممۋن جۇيەسىندە «ت-رەگۋلياتورلىق جاسۋشالار» دەپ اتالاتىن ەرەكشە توپتىڭ بار ەكەنىن انىقتادى. بۇل جاسۋشالار اعزانىڭ ءوز جاسۋشالارى مەن بوتەن ۆيرۋستاردى اجىراتىپ, قاتە شابۋىلدىڭ الدىن الادى. ەگەر وسى تەتىك بۇزىلسا, يممۋندىق جۇيە ءوز تىندەرىنە قارسى تۇرىپ, قانت ديابەتى, ارتريت نەمەسە ىشەك اۋرۋلارى سياقتى اۋتويممۋندى دەرتتەرگە اكەلەدى.
«عالىمدار اشقان بۇل جاڭالىق يمممۋندىق جۇيەنىڭ قالاي جۇمىس ىستەيتىنىن جانە دە اۋتويممۋندىق اۋرۋعا نەلىكتەن بارلىعى بىردەي شالدىقپايتىنىن تۇسىنۋدە ماڭىزدى ءرول اتقاردى», دەدى نوبەل كوميتەتىنىڭ توراعاسى وللە كەمپە.
مەري برانكوۋ مەن فرەد رامسدەلل FoxP3 گەنىنىڭ وسىنداي جاسۋشالاردىڭ قالىپتاسۋىندا شەشۋشى ءرول اتقاراتىنىن دالەلدەدى. ال سيموون ساكاگاگۋچي بۇل قۇبىلىستى تاجىريبە جۇزىندە ناقتىلاپ, يممۋندىق جۇيەنىڭ تەپە-تەڭدىگىن ساقتاۋداعى ماڭىزىن كورسەتتى.
بۇگىندە بۇل جاڭالىق اۋتويممۋندى اۋرۋلاردى ەمدەۋدە جانە اعزاعا جاڭا ورگان قوندىرعاندا يممۋندىق جۇيەنىڭ قارسىلىعىن تومەندەتۋدە كەڭ قولدانىلۋى مۇمكىن. ساراپشىلار بۇل باعىت مەديتسينانىڭ بولاشاعىن تۇبەگەيلى وزگەرتەدى دەپ باعالاپ وتىر.
بەكزات مىڭايدار
