جوبا «اتامەكەن» ۇكپ مەن جاپونيا حالىقارالىق ىنتىماقتاستىق اگەنتتىگىنىڭ (JICA) قولداۋىمەن جۇزەگە اسىپ كەلەدى. بۇل باستاما اۋىل كاسىپكەرلەرىن جەرگىلىكتى رەسۋرستاردى پايدالانا وتىرىپ, ساپالى ءارى باسەكەگە قابىلەتتى ءونىم وندىرۋگە ىنتالاندىرادى.
JICA-مەن ارىپتەستىك ناتيجەسىندە قازاقستاندىق وندىرۋشىلەر حالىقارالىق كورمەلەرگە قاتىسىپ, ءوز ونىمدەرىن الەمگە تانىتىپ ءجۇر. ماسەلەن, FOODEX Japan كورمەسىندە قازاقستاندىق «جانتاق» بالى الەمنىڭ ۇزدىك ءۇش ءونىمى قاتارىنا ەنگەن بولاتىن.
اشىلۋ راسىمىندە ءسوز العان گۇليا باتىرحانقىزى, «اتامەكەن» ۇكپ جۇمىسپەن قامتۋ جانە شاعىن, ايەلدەر كاسىپكەرلىگىن دامىتۋ دەپارتامەنتىنىڭ باسقارۋشى ديرەكتورى, جوبانىڭ وڭىرلىك كاسىپكەرلىكتى جانە حالىقارالىق ارىپتەستىكتى نىعايتۋداعى ماڭىزدىلىعىن اتاپ ءوتتى:
«بۇگىنگى شارا – تەك جاڭا ساۋدا ورنىنىڭ اشىلۋى ەمەس, سونىمەن بىرگە وڭىرلىك ىنتىماقتاستىقتىڭ كورىنىسى. بۇل الاڭدا ورتالىق ازيا ەلدەرىنىڭ وندىرۋشىلەرى باس قوسىپ, ءوز ونىمدەرىن ۇسىنۋدا. الداعى ۋاقىتتا JICA سەرىكتەستىگىمەن وسىنداي جوبالاردى كەڭەيتۋ جوسپاردا بار», – دەدى ول.
JICA OVOP ء(بابو) حالىقارالىق جوباسىنىڭ سەرىكتەسى كەندزي ناكامۋرا دا بۇل باستامانىڭ ايماق ءۇشىن ۇلكەن مۇمكىندىك ەكەنىن ايتتى: «قازاقستاندا العاشقى تۇراقتى ءبابو الاڭىنىڭ اشىلۋى – ماڭىزدى قادام. بۇل جوبا جەرگىلىكتى قاۋىمداستىقتاردىڭ دامۋىنا, جاڭا جۇمىس ورىندارىنىڭ قۇرىلۋىنا جانە وڭىرلىك ونىمدەردىڭ حالىقارالىق نارىققا شىعۋىنا جول اشادى», – دەدى ناكامۋرا مىرزا.
Nomad Bazaar بۇگىندە قازاقستان مەن ورتالىق ازيانىڭ تۇكپىر-تۇكپىرىنەن كەلگەن وندىرۋشىلەر مەن قولونەرشىلەردىڭ ونىمدەرىن ءبىر شاڭىراق استىندا بىرىكتىرىپ وتىر. جوبا الداعى ۋاقىتتا دا كەڭەيىپ, جاڭا سەرىكتەستىكتەر مەن مۇمكىندىكتەرگە جول اشۋدى ماقسات ەتەدى.
