مۇعالجار اۋداندىق سوتىندا قاندىاعاش قالاسىنىڭ اكىمى قازبەك اققايىرعا قاتىستى ءىس قارالدى. اكىمگە قىلمىستىق كودەكستىڭ «ۇرىپ-سوعۋ» بابى بويىنشا ايىپ تاعىلدى.
- قازبەك اققايىر قىلمىستىق كودەكستىڭ 109-1-بابى 1-بولىگىندە كوزدەلگەن قىلمىستىق تەرىس قىلىق جاساعانى ءۇشىن كىنالى دەپ تانىلسىن. وعان 80 اەك, ياعني, 314 560 تەڭگە كولەمىندە ايىپپۇل سالۋ تۇرىندەگى جازا تاعايىندالسىن. ازاماتتىق تالاپكەردىڭ مورالدىق شىعىن ءوندىرۋ تۇرىندەگى ازاماتتىق تالاپ ارىزى ءىشىنارا قاناعاتتاندىرىلسىن. قازبەك اققايىردان 100 مىڭ تەڭگە مورالدىق زيان جانە 1966 تەڭگە مەملەكەتتىك باج ءوندىرىلسىن. سوتتالۋشىدان جابىرلەنۋشى پايداسىنا وكىلدىڭ شىعىنى رەتىندە 100 مىڭ تەڭگە ءوندىرىلسىن. ۇكىمنىڭ ازاماتتىق تالاپ بولىگىن ەرىكتى تۇردە ورىنداۋ ءۇشىن ۇكىم زاڭدى كۇشىنە ەنگەننەن باستاپ 15 تاۋلىك مەرزىم بەلگىلەنسىن. ۇكىم جاريالانعان كۇننەن باستاپ 15 تاۋلىك ىشىندە اقتوبە وبلىستىق سوتىنا اپەللياتسيالىق شاعىم تۇسىرۋگە قۇقىلى, - دەدى عاني الماحانوۆ.
سۋديا باس-مي شايقالۋى, مويىنداعى اۋىرسىنۋ ءبىرىنشى ساراپتاما قورىتىندىسى كەزىندە دالەلىن تاپتى دەپ ءتۇسىندىردى. ال وزگە ساراپشىلار دەنە جاراقاتىنىڭ اۋىرلىعى بويىنشا عانا تالداۋ جۇرگىزە الاتىنىن ايتقان.
- حات الماسۋ, اۋديو جازبالاردان سوتتالۋشى مەن جابىرلەنۋشى ارالارىندا وقيعاعا دەيىن دە, وقيعادان كەيىن دە جانجال بولعانى انىقتالدى. وقيعا ءوز دالەلىن تاۋىپ وتىر دەپ كورسەتىلەدى, - دەدى سۋديا.
