فوتو: gov.kz
پاتسيەنتتەردىڭ باسىم بولىگى – بۇيرەك ترانسپلانتاتسياسىن قاجەت ەتەتىندەر. باۋىردى - 222 پاتسيەنت, جۇرەكتى – 149, وكپەنى – 27, وكپە-جۇرەك كەشەنىن – 6 ادام كۇتىپ وتىر. جىل سايىن 300-دەن استام ادام ترانسپلانتاتسيانى كۇتپەي, ومىردەن وزادى. 2012 جىلدان بەرى قازاقستاندا 3 200-دەن استام اعزا ترانسپلانتاتسياسى جاسالدى, ولاردىڭ نەگىزگى بولىگىن ءتىرى دونورلاردان جاسالعان وپەراتسيالار قۇرايدى. 2023 جىلدان باستاپ كونسەرۆاتسيالانعان ءمولدىر قابىقتى ترانسپلانتاتتاۋ ەنگىزىلدى, 308 اۋىستىرىپ سالۋ وپەراتسياسى جاسالعان.
eGov.kz پورتالىندا 135 مىڭنان استام ەرىك ءبىلدىرۋ وتىنىشتەرى تىركەلگەن, بىراق ولاردىڭ ىشىنەن 10 724 ادام عانا قايتىس بولعاننان كەيىن دونور بولۋعا كەلىسىم بەرگەن. ال 112 مىڭنان استام ادام دونور بولۋدان باس تارتقان.
دونور بولۋعا كەلىسىم بەرگەندەر اراسىندا ەڭ جوعارى بەلسەندىلىك استانا مەن الماتى قالالارىندا, سونداي-اق پاۆلودار, اقمولا, شىعىس قازاقستان, باتىس قازاقستان جانە جامبىل وبلىستارىندا بايقالادى. ال اتىراۋ, ماڭعىستاۋ, اقتوبە, قىزىلوردا جانە قاراعاندى وڭىرلەرىندە كورسەتكىشتەر وتە تومەن دەڭگەيدە قالىپ وتىر.
