فوتو: dimashnews.com
«مىڭداعان جۇرەك. ءبىر دەم. بۇل ءتۇن تاريحتا دا, مەنىڭ جۇرەگىمدە دە ماڭگى قالادى.وسى ارماندى مەنىمەن بولىسكەن مەنىڭ كومانداما, مۋزىكانتتارعا, كورەرمەندەر مەن وسى ساپارعا سەنىم ارتقان ءاربىر جانعا العىسىم شەكسىز. مۋزىكا ءبىزدى بىرىكتىرىپ, سونىڭ ناتيجەسىندە قازاقستاننان امەريكاعا دەيىن, جۇرەكتەن جۇرەككە, جاننان جانعا جەتەلەدى», دەپ جازدى ديماش نيۋ-يوركتەگى كونتسەرتتەن كەيىن ءوزىنىڭ Instagram پاراقشاسىندا.
كەش سوڭىندا ءانشى ءۇش جىلدان استام ۋاقىت بويى جازىلعان اۆتورلىق تۋىندىسىن ورىنداپ, تىڭدارمانعا ەرەكشە اسەر سىيلادى. بۇل شىعارما العاش رەت 2022 جىلدىڭ قىركۇيەگىندە الماتىدا وتكەن «Stranger» تۋرىنىڭ اشىلۋ كونتسەرتىندە شىرقالىپ, ديماشتىڭ تۇراقتى رەپەرتۋارىنا ەنگەن.
كونتسەرتتەن كەيىن ديماش جانكۇيەرلەرىنە ارناعان ۇندەۋىندە بۇل تاريحي كەش جايلى «ارمانداردىڭ تاريحقا اينالعان ءساتى» اتتى دەرەكتى فيلم دايىنداپ جاتقانىن مالىمدەدى.
