فوتو: اشىق دەرەككوز
افك شەشىمىندە اسسوتسياتسيا ماتچتان كەيىنگى جابىلۋ سالتاناتىن كونفەدەراتسيانىڭ كەلىسىمىنسىز ۇيىمداستىرعانى اتاپ وتىلگەن. وفق سونداي-اق افك مەن ونىڭ رەسمي سەرىكتەستەرىنىڭ ماركەتينگتىك قۇقىقتارىن تولىققاندى قورعاي المادى. ناتيجەسىندە «امبۋش-ماركەتينگ» دەپ اتالاتىن قۇبىلىسقا جول بەرىلگەن. بۇل ءتارتىپ بۇزۋشىلىق رەتسيديۆتىك جاعداي رەتىندە قاراستىرىلعان.
افك شەشىمىندە «امبۋش-ماركەتينگ» ۇعىمى دەپ فۋتبولشىلاردى ماراپاتتاۋ كەزىندە BYD اۆتوكولىكتەرىنىڭ تىكەلەي ستاديون الاڭىنا قويىلىپ, سول جەردە سىيلىق رەتىندە تابىستالۋى تۇسىندىرىلەدى.
سونىمەن قاتار اسسوتسياتسيا رەسمي ءىس-شارالاردى وتكىزۋ كەزىندە ءباسپاسوز ءماسليحاتتارى مەن سۇحبات ۇيىمداستىرۋدا ءتيىستى قولداۋ كورسەتە الماعان. بۇل دا تارتىپتىك كوميتەت شەشىمىنە اسەر ەتكەن فاكتورلاردىڭ ءبىرى بولدى.
ايىپپۇل ەكى بولىككە ءبولىنىپ بەلگىلەندى: 300 مىڭ جانە 40 مىڭ دوللار كولەمىندە ەكى ءتۇرلى بۇزۋشىلىق ءۇشىن.
