فوتو: pinterest.com
كولەڭكەلى ەكونوميكامەن كۇرەس جونىندەگى ءوزىنىڭ بايانداماسىندا ول بيۋدجەت قاراجاتىن پايدالانۋعا جۇيەلى تۇردە جۇرگىزىلەتىن مونيتورينگ تۋرالى ايتتى. قارجىنى ماقساتسىز جۇمساۋ دەرەكتەرى الەۋمەتتىك-كاسىپكەرلىك كورپوراتسيالاردىڭ (اكك) قىزمەتىندە دە انىقتالعان.
«وڭىرلىك الەۋمەتتىك-كاسىپكەرلىك كورپوراتسيالار مەملەكەتتىك قولداۋدى بايۋ قۇرالىنا اينالدىرىپ وتىر, ولار العان نەسيەلەرىن پايىز تۇرىندە كىرىس الۋ ءۇشىن بانكتەرگە دەپوزيت ەتىپ سالادى. مۇنداي دەرەكتەر تۇركىستان وبلىسىندا 2 ملرد تەڭگەگە, اباي وبلىسىندا 152 ملن تەڭگەگە انىقتالدى», دەپ اتاپ ءوتتى مينيستر.
مەملەكەتتىك قولداۋدى ماقساتسىز جۇمساۋدان بولەك ۆەدومستۆو وزگە دە سحەمالارمەن كۇرەسۋدە. شاعىن جانە ورتا بيزنەس سەكتورىندا سالىقتاردى بارىنشا ازايتۋ جانە تولەۋدەن جالتارۋ ارەكەتتەرى كوپ. مىسال ءۇشىن, ءبىر زاڭدى مەكەنجاي بويىنشا بىرنەشە كومپانيانى تىركەۋ بەلەڭ العان. دەرەكتەرگە سايكەس, تەك 3,5 مىڭ مەكەنجايدا 20 مىڭعا جۋىق كومپانيا تىركەلگەن, ولاردىڭ سالىقتار بويىنشا بەرەشەگى 60,4 ملرد تەڭگەنى قۇرادى.
