مۇمكىندىگى شەكتەۋلى 8 بالاعا قايىرىمدىلىق كومەك كورسەتىلدى
وسكەمەندەگى نازارباەۆ زياتكەرلىك مەكتەبى مەن وبلىستىق جاستار ساياساتى باسقارماسى «قىسقى بال» قايىرىمدىلىق شاراسىن وتكىزدى. ۇيىمداستىرۋشىلاردىڭ ايتۋىنشا, اتالعان شارانىڭ نەگىزگى ماقساتى – كومەككە مۇقتاج جاندارعا قول ۇشىن سوزۋ, ميدىڭ سال اۋرۋىنا شالدىققان بالالارعا قامقورلىق كومەك كورسەتۋ.
د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وتكەن قىسقى بالعا حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ 300 وقۋشىسى مەن 100 مۇعالىمى قاتىستى. تسەرەبرالدى سال اۋرۋىنا شالدىققان بالالارعا جۇرتشىلىقتىڭ نازارىن بۇرۋ ماقساتىندا ۇيىمداستىرىلعان كەشتە دومبىرانىڭ قوڭىر ءۇنى كۇمبىرلەپ, اۋەزدى اسەم اندەر شىرقالدى. كەشكە وبلىستىق فيلارمونيانىڭ سيمفونيالىق وركەسترى قولداۋ كورسەتىپ, الەم كومپوزيتورلارى مەن قازىرگى زامان اۆتورلارىنىڭ شىعارمالارىن وينادى.
– قىسقى قايىرىمدىلىق كونتسەرتىنىڭ قاتىسۋشىلارى مادەنيەت پەن سۇلۋلىقتى, مەيىرىمدىلىك پەن قامقورلىقتى الدىمەن مۇقتاج جاندارعا ارنايدى. بۇل – قالامىزداعى يگى باستامالاردىڭ ءبىرى. ويتكەنى, وقۋشىلاردىڭ ورتاعا سالعان ونەرى مەن كومەككە ءزارۋ جاندارعا قامقورلىق تانىتقان اتا-انالاردىڭ ارقاسىندا جۇيكە جۇيەسىنىڭ سال اۋرۋىنا شالدىققان بالالارعا قولداۋ كورسەتىلدى, – دەدى نازارباەۆ زياتكەرلىك مەكتەبىنىڭ ديرەكتورى باۋىرجان ۇزاقباي.
اتالعان شارادا تسەرەبرالدى سال اۋرۋىنا شالدىققان 5 جاسقا دەيىنگى 8 بالاعا جاڭا اربا بەرىلدى. ونىڭ التاۋى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ وكىلىنە تاپسىرىلدى. باسقارما ماماندارى اربالاردى سال اۋرۋىنا شالدىققان بالالاردىڭ ۇيلەرىنە اپارىپ بەرمەك. ال قالعان ەكى اربا بالعا دەيىن وبلىس اۋماعىندا تۇراتىن مۇمكىندىگى شەكتەۋلى بالالارعا جىبەرىلگەن بولاتىن.
كەش بارىسىندا دەمەۋشىلىك كورسەتكەن اتا-انالار, مەكتەپ قىزمەتكەرلەرى مەن وڭىردەگى شاعىن جانە ورتا بيزنەس وكىلدەرىنەن قۇرالعان قايىرىمدى ازاماتتار العىس حاتتارمەن ماراپاتتالدى.
دۋمان اناش,
«ەگەمەن قازاقستان».
وسكەمەن.
وسكەمەندەگى نازارباەۆ زياتكەرلىك مەكتەبى مەن وبلىستىق جاستار ساياساتى باسقارماسى «قىسقى بال» قايىرىمدىلىق شاراسىن وتكىزدى. ۇيىمداستىرۋشىلاردىڭ ايتۋىنشا, اتالعان شارانىڭ نەگىزگى ماقساتى – كومەككە مۇقتاج جاندارعا قول ۇشىن سوزۋ, ميدىڭ سال اۋرۋىنا شالدىققان بالالارعا قامقورلىق كومەك كورسەتۋ.
د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وتكەن قىسقى بالعا حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ 300 وقۋشىسى مەن 100 مۇعالىمى قاتىستى. تسەرەبرالدى سال اۋرۋىنا شالدىققان بالالارعا جۇرتشىلىقتىڭ نازارىن بۇرۋ ماقساتىندا ۇيىمداستىرىلعان كەشتە دومبىرانىڭ قوڭىر ءۇنى كۇمبىرلەپ, اۋەزدى اسەم اندەر شىرقالدى. كەشكە وبلىستىق فيلارمونيانىڭ سيمفونيالىق وركەسترى قولداۋ كورسەتىپ, الەم كومپوزيتورلارى مەن قازىرگى زامان اۆتورلارىنىڭ شىعارمالارىن وينادى.
– قىسقى قايىرىمدىلىق كونتسەرتىنىڭ قاتىسۋشىلارى مادەنيەت پەن سۇلۋلىقتى, مەيىرىمدىلىك پەن قامقورلىقتى الدىمەن مۇقتاج جاندارعا ارنايدى. بۇل – قالامىزداعى يگى باستامالاردىڭ ءبىرى. ويتكەنى, وقۋشىلاردىڭ ورتاعا سالعان ونەرى مەن كومەككە ءزارۋ جاندارعا قامقورلىق تانىتقان اتا-انالاردىڭ ارقاسىندا جۇيكە جۇيەسىنىڭ سال اۋرۋىنا شالدىققان بالالارعا قولداۋ كورسەتىلدى, – دەدى نازارباەۆ زياتكەرلىك مەكتەبىنىڭ ديرەكتورى باۋىرجان ۇزاقباي.
اتالعان شارادا تسەرەبرالدى سال اۋرۋىنا شالدىققان 5 جاسقا دەيىنگى 8 بالاعا جاڭا اربا بەرىلدى. ونىڭ التاۋى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ وكىلىنە تاپسىرىلدى. باسقارما ماماندارى اربالاردى سال اۋرۋىنا شالدىققان بالالاردىڭ ۇيلەرىنە اپارىپ بەرمەك. ال قالعان ەكى اربا بالعا دەيىن وبلىس اۋماعىندا تۇراتىن مۇمكىندىگى شەكتەۋلى بالالارعا جىبەرىلگەن بولاتىن.
كەش بارىسىندا دەمەۋشىلىك كورسەتكەن اتا-انالار, مەكتەپ قىزمەتكەرلەرى مەن وڭىردەگى شاعىن جانە ورتا بيزنەس وكىلدەرىنەن قۇرالعان قايىرىمدى ازاماتتار العىس حاتتارمەن ماراپاتتالدى.
دۋمان اناش,
«ەگەمەن قازاقستان».
وسكەمەن.
