فوتو: t.me/DenMinPR
ەستەرىڭىزگە سالا كەتەيىك, بەستەرەك اۋىلىندا Toyota ماركالى كولىك جۇرگىزۋشىسى ءۇيدىڭ قاقپاسى الدىندا ويناپ جۇرگەن بالالاردى قاعىپ كەتكەن. وقيعا ورنىندا ەكى بالا قازا تاۋىپ, تاعى بىرەۋى اۋرۋحاناعا بارار جولدا كوز جۇمدى. تاعى ءۇش بالا ءتۇرلى جاراقاتپەن اۋرۋحاناعا جەتكىزىلگەن ەدى.
زارداپ شەككەندەردىڭ ەكەۋى سانيتارلىق اۆياتسيامەن استاناعا جەتكىزىلىپ, ەم الىپ, قازىر وڭالتۋ كۋرسىنان ءوتىپ جاتىر. ال بەستەرەكتە ەمدەلگەن قىز بالا ەسىن جيماستان كوز جۇمدى.
«زارداپ شەككەن كىشكەنتاي قىزدىڭ جاعدايى اۋىر ەدى. دارىگەرلەر قولدان كەلگەننىڭ ءبارىن جاسادى. الايدا ونىڭ جاراقاتى تىم اۋىر بولدى. ول ەسىنە كەلمەستەن كوز جۇمدى», دەدى ءوڭىردىڭ دەنساۋلىق ساقتاۋ باسقارماسىنىڭ وكىلدەرى.
قازىر بۇل دەرەك بويىنشا قىلمىستىق ءىس قوزعالعان.
