وبلىستىق پوليتسيا دەپارتامەنتىنىڭ مالىمەتىنشە, كاسىپكەردەن بەلگىسىز تۇلعالاردىڭ كەڭسەنىڭ ەسىگىن بۇزىپ, ءىرى مولشەردەگى اقشانى ۇرلاپ كەتكەنى جونىندە ارىز تۇسكەن.
الدىن الا دەرەكتەر بويىنشا, 23 قىركۇيەك كۇنى كەشكى ۋاقىتتا قاسكۇنەمدەر جالعانمىس اۋىلىندا ورنالاسقان عيماراتقا زاڭسىز كىرىپ, 55 ميلليون تەڭگە كولەمىندەگى اقشانى ۇرلاپ كەتكەن.
– بەينەباقىلاۋ جازبالارىن قاراۋ كەزىندە قىلمىستىڭ الدىن الا جوسپارلانعانى انىقتالدى. بەتىنە ماسكا تاعىپ, قولعاپ كيگەن بەلگىسىز ەر ادام عيماراتقا كىرىپ, ەكىنشى قاباتتاعى ەسىكتى بۇزىپ, ۇستەل استىندا تۇرعان قارا ءتۇستى جول سومكەسىن الىپ, ىشىندەگى اقشانىڭ ءبىر بولىگىن وزىمەن بىرگە اكەلگەن ريۋكزاكقا سالعان. كەيىن سومكە مەن ريۋكزاكتى قورشاۋدان اسىرىپ لاقتىرىپ, ءوزى دە سىرتقا شىعىپ كەتكەن, - دەپ حابارلادى دەپارتامەنتتەن.
جەدەل-ىزدەستىرۋ ءىس-شارالارىنىڭ ناتيجەسىندە 39, 37 جانە 36 جاستاعى الماتى وبلىسىنىڭ تۇرعىندارى ۇستالعان. ءتىنتۋ بارىسىندا كۇدىكتىلەردىڭ ۇيلەرىنەن اقشا مەن تەرگەۋگە ماڭىزدى زاتتاي ايعاقتار تاركىلەنگەن.
– اتالعان دەرەك بويىنشا «ۇرلىق» فاكتىسىمەن قىلمىستىق ءىس قوزعالدى. قازىرگى ۋاقىتتا وقيعانىڭ ءمان-جايىن تولىق جانە وبەكتيۆتى انىقتاۋعا باعىتتالعان تەرگەۋ امالدارى جۇرگىزىلۋدە. قۇرىقتالعان كۇدىكتىلەر قاماۋعا الىندى, - دەپ مالىمدەدى پوليتسيا.
