ايتا كەتەيىك, ءىس بويىنشا ەر ادامعا سالىنعان ينۆەستيتسيانى ەكى ەسە - 30 ملن 250 مىڭ تەڭگە قايتارۋ ۋادە ەتىلگەن, بىراق اقشا قايتارىلماعان. سونىمەن قاتار, ماتەريالداردا 634 مىڭ جانە 4 ملن 111 مىڭ تەڭگە سوماسىندا گۇل كومپوزيتسيالارىنا تاپسىرىستار كورسەتىلگەن. بۇل گۇل شوقتارى الەۋمەتتىك جەلىلەردە ەر ادامنان سىيلىق رەتىندە كورسەتىلگەنىمەن, شىن مانىندە تولەم تۇسپەگەن.
ءبىرىنشى ساتىداعى سوت نيگمەتوۆانى ءىرى مولشەردە الاياقتىق جاساۋ بابى بويىنشا كىنالى دەپ تانىدى. سوت 6 جىل 6 ايعا باس بوستاندىعىنان ايىرۋ جازاسىن تاعايىندادى. جارتىلاي وتەلگەن زالالدى جانە كامەلەتكە تولماعان بالاسىنىڭ بارىن ءىشىنارا ەسكەردى, بىراق بۇل جاعدايلار جازانى جەڭىلدەتۋگە جەتكىلىكسىز دەپ باعالاندى.
ادۆوكاتتار سوت شەشىمىنە شاعىمدانۋعا تىرىسقانىمەن, اپەللياتسيالىق القا كەيبىر تۇجىرىمدامالاردى تۇزەتىپ, جازانى وزگەرىسسىز قالدىردى.
- ءبىزدىڭ كوماندا كاسساتسيالىق شاعىمعا دايىندالىپ جاتىر. اپەللياتسيا ۇكىمنىڭ كەيبىر بولىكتەرىن وزگەرتتى, بىراق ءبىز تولىق اقتاۋدى تالاپ ەتەمىز, — دەدى ادۆوكات جاننا ورازباحوۆا.
قازىرگى ۋاقىتتا نيگمەتوۆا الماگۇلدەگى جالپى رەجيمدەگى كولونيادا وتىر, مۇندا ءارتۇرلى قىلمىستار ءۇشىن سوتتالعان ايەلدەر جازاسىن وتەيدى. قورعاۋشىلاردىڭ ايتۋىنشا, ءىس جوعارعى سوتقا دەيىن جەتكىزىلەدى.
