بۇل اقپاراتتى قازاقپاراتقا الماتى قالاسىنىڭ اكىمدىگى راستادى.
ەسكە سالايىق, «الماتى قالاسىن دامىتۋ ورتالىعى» اكتسيونەرلىك قوعامى الماتى قالاسى اكىمدىگىنىڭ 2008 جىلعى 30 مامىرداعى № 2/331 قاۋلىسىنا سايكەس 100% مەملەكەت قاتىسۋىمەن قۇرىلدى. ورتالىق ماقساتى — الماتى قالاسىنىڭ تۇراقتى الەۋمەتتىك-ەكونوميكالىق دامۋىنا جاردەمدەسۋ.
رۋسلان بەردەنوۆ 2023 جىلدىڭ ناۋرىزىنان 2025 جىلدىڭ اقپان ايىنا دەيىن قازاقستان رەسپۋبليكاسى پارلامەنتى VIII شاقىرىلىمىنىڭ دەپۋتاتى, قارجى جانە بيۋدجەت كوميتەتىنىڭ مۇشەسى بولدى.
بيىل اقپان-تامىز ايلارى ارالىعىندا ول شىمكەنت قالاسى اكىمىنىڭ ورىنباسارى قىزمەتىن اتقاردى.
21 ساۋىردە شىمكەنت اكىمىنىڭ ورىنباسارى رۋسلان بەردەنوۆكە قاستاندىق جاسالعانى ءمالىم بولعان. ول جاراقات الىپ, اۋرۋحاناعا ءتۇستى.
قىلمىستىق ىستەر جونىندەگى اۋدانارالىق سوتتا شىمكەنت قالاسى اكىمىنىڭ ورىنباسارى رۋسلان بەردەنوۆكە قاستاندىق جاساۋعا قاتىستى رەزونانستىق ءىس بويىنشا ۇكىم شىعارىلدى. سوت ۇكىمىمەن ەرنار جيەمباي 9 جىلعا باس بوستاندىعىنان ايىرىلدى.
