قىلمىستىق-اتقارۋ جۇيەسى كوميتەتىنىڭ (قاجك) ءباسپاسوز قىزمەتى ەر ادامنىڭ قايتىس بولعانىن راستادى, بىراق جەكە باسىن ناقتىلامادى. بەلگىلى بولعانداي, قاماۋداعى ازامات كەنەتتەن كوز جۇمعان. الدىن الا بولجام بويىنشا, ءولىم سەبەبى – جۇرەك جەتىسپەۋشىلىگى.
بۇل جاعداي بەينەباقىلاۋ كامەراسىنا تىركەلگەن.
«اتالعان فاكتى بويىنشا تەكسەرۋ جۇرگىزىلۋدە», – دەپ حابارلادى قاجك ءىىم ءباسپاسوز قىزمەتى.
قازىرگى ۋاقىتتا سوت-مەديتسينالىق ساراپتاما جانە قىزمەتتىك تەكسەرۋ تاعايىندالدى. ناتيجەلەرى قوسىمشا حابارلاناتىن بولادى.
ەسكە سالساق, 2024 جىلدىڭ 30 قازانىندا الماتىدا اتالعان سوتتىڭ سۋدياسىنا قاتىستى قىلمىستىق ءىس قوزعالعانى حابارلانعان بولاتىن. كۇقك ونىڭ ۇستىنەن قر قك-ءنىڭ 366-بابى («پارا الۋ») جانە 190-بابى («الاياقتىق») بويىنشا سوتقا دەيىنگى تەرگەۋ جۇرگىزىپ جاتقانىن راستاعان ەدى.
تەرگەۋ مۇددەسىنە بايلانىستى وزگە اقپارات جاريالانبادى.
