عىلىم جانە جوعارى ءبىلىم مينيسترلىگىنىڭ AP19679909 «قازاقستانداعى جالعان اقپارات پەن دەزينفورماتسيا ينديكاتورلارىن انىقتاۋعا ارنالعان تسيفرلى ساۋات سالاسىندا اقپاراتتىق رەسۋرس ازىرلەۋ» جوباسى اياسىندا جاسالعان ازىرلەمە پرەزيدەنتتىڭ ەلىمىزدىڭ تسيفرلىق ترانسفورماتسياسى مەن جاستاردىڭ جي-دى ساۋاتتى پايدالانۋى جونىندەگى ستراتەگيالىق مىندەتتەرىمەن تولىق ۇندەسەدى.
«جاساندى ينتەللەكت, ەلەكتروندىق باسقارۋ جانە اقپاراتقا قول جەتكىزۋ» جاھاندىق تاقىرىبى اياسىندا ىسكە اسقان «RasInfo» موبيلدىك رەسۋرسى جاساندى ينتەللەكتىمەن بىرىكتىرىلگەن العاشقى قازاقستاندىق مەدياونىم. بۇل قۇرال تسيفرلىق ساۋات ارتتىرۋ, جالعان اقپاراتتى تەكسەرۋ (فاكتچەكينگ) قۇرالدارىن بىرىكتىرەدى. رەسۋرس قازاق, ورىس جانە اعىلشىن تىلدەرىندە قولجەتىمدى ءارى قولدانۋشىلار ءۇشىن وڭتايلى ينتەرفەيستە جاسالدى. قوسىمشا قازاق, ورىس جانە اعىلشىن تىلدەرىندە دايارلانىپ, قولدانۋعا بارىنشا جەڭىلدەتىلگەن نۇسقادا ازىرلەندى.
بۇل رەسۋرس مەدياتەحنولوگيالار مەن جاساندى ينتەللەكت سالاسىنداعى ستراتەگيالىق باستامالارعا ءباس تىگىپ وتىرعان تسيفرلىق داۋىردەگى سىن-قاتەرلەرگە جاۋاپ بەرەتىن تەحنولوگيالىق قادام مەن شىعارماشىلىق شەشىمنەن تۇرادى.
جوبا جەتەكشىسى پروفەسسور گۇلميرا سۇلتانباەۆانىڭ ايتۋىنشا, عالىمدار توبىنىڭ ەڭبەگى ەلىمىزدىڭ اقپاراتتىق قاۋىپسىزدىگىن نىعايتۋعا جانە قوعامنىڭ سىني ويلاۋ قابىلەتىن دامىتۋعا ۇلكەن ۇلەس قوسادى. اتالمىش رەسۋرستا الەمدەگى اشىق دەرەكتەر قورلارىنا شولۋ مەن سول بازالاردىڭ سايتتارىنا ءوتۋ, فاكتچەكينگ كەيستەرىن تالداۋ, وقىتۋ مودۋلدارى مەن AI-Derek قوسىمشاسى ۇسىنىلدى. بەس مودۋلدان تۇراتىن وقۋ كۋرسىندا فاكتچەكينگ نەگىزدەرى, پراكتيكالارى, جالعان اقپاراتپەن كۇرەسۋ ادىستەرى مەن قۇرالدارى, جاساندى ينتەللەكت تەحنولوگيالارى بويىنشا ءبىلىمىن جەتىلدىرىپ, پراكتيكالىق تاپسىرمالاردى ورىنداي وتىرىپ, سەرتيفيكات الادى. مەديا جانە اقپاراتتىق ساۋات, تسيفرلى قۇرالدار مەن تەحنولوگيالار, جاساندى ينتەللەكت جانە الگوريتم, كيبەرقاۋىپسىزدىك جانە قۇپيالىلىق, تسيفرلى كوممۋنيكاتسيا جانە مەديا, Big Data جانە اشىق دەرەكتەر, ۆيرتۋالدى شىنايىلىق سياقتى كاتەگوريالارلى قامتيتىن انىقتامالىق پايدالانۋشى ءۇشىن ءتيىمدى قۇرال.
جوباعا كوممۋنيكاتسيا پروفەسسورى, ميۋنحەندەگى ليۋدۆيگ ماكسيميليان ۋنيۆەرسيتەتىمەديا جانە كوممۋنيكاتسيا كافەدراسىنىڭ جەتەكشىسى توماس حاينيشتس سياقتى حالىقارالىق دەڭگەيدەگى عالىم كەڭەسشى بولدى. «RasInfo» تسيفرلى ساۋات اشۋ رەسۋرسى قازاقستانداعى تسيفرلىق ساۋات ارتتىرۋداعى ءتيىمدى قۇرالداردىڭ بىرىنە اينالارى ءسوزسىز.
ازاماتتاردىڭ فاكتچەكينگ ساۋاتىن ارتۋىنا ءتيىمدى ءادىس رەتىندە ۇسىنىلعان ءاربىر كەيستە قازاقستانداعى جالعان اقپاراتتىڭ ورىن الۋى, مەرزىمى, دەرەككوزى, مازمۇنى, نەلىكتەن ول جالعان ەكەندىگى, تەكسەرۋ ادىستەرى, كەيس نەنى ۇيرەتەتىنى, سكرينشوتى, ساناتى, دەزينفورماتسيا ءتۇرى تالدانعان. بۇل كەيستەر ءارىبىر قولدانۋشىعا جالعان اقپارات پەن دەزينفورماتسيانى تانىپ, بىلۋدە ءتيىمدى ادىستەمەلىك قۇرال سانالماق.
سونداي-اق رەسۋرس قورىندا سكوپۋس دەرەكتەر بازاسىندا سوڭعى جىلدارى جارىق كورگەن جالعان اقپارات, دەزينفورماتسيا جانە ۆەريفيكاتسيا جايىنداعى وزىق زەرتتەۋ جۇمىستارىنا شولۋ جاسالعان ءارى قولدانۋشىعا وقۋعا نە جۇكتەپ الۋعا مۇمكىندىك قاراستىرىلعان.
الماتى
