فوتو: قر ءىىم ۇلتتىق ۇلانىنىڭ ءباسپاسوز قىزمەتى
«سولتۇستىك-شىعىس» شاعىن اۋدانىندا پاترۋلدىك قىزمەت اتقارىپ جۇرگەن اسكەري جاساق باستىعى قاتارداعى نۇراسىل قۋانىشباي مەن قاتارداعى پاترۋلشىلەر ەراسىل باينياز جانە ولەگ فوفونوۆ ءبىر ءۇي اۋلاسىندا تەلەفون كامەراسىنىڭ جارقىلىن بايقاپ قالعان ەكەن. كۇدىكتىنىڭ بەلگىسىز زاتتى تىعىپ, سۋرەتكە تۇسىرگەن ءساتى اسكەري قىزمەتشىلەردىڭ كۇدىگىن تۋعىزعان.
ۇلاندىقتار وعان جاقىنداپ, قۇجاتتارىن تەكسەرمەك بولعاندا ول ءوزىن اگرەسسيۆتى ۇستاعان تەكسەرۋ بارىسىندا ونىڭ قالتاسىنان سالماعى شامامەن 10 گرامم بولاتىن ەسىرتكى زاتى سالىنعان كاپسۋلا تابىلعان.
كۇدىكتى پوليتسەيلەرگە تاپسىرىلىپ, سوتقا دەيىنگى تەرگەۋ امالدارى باستالدى.
