ازىق-ت ۇلىك تاۋارلارىنىڭ ىشىندە باستى پياز 15,6%, كارتوپ 10,3%, قىزىلشا 9,5%, قىرىققابات 9,3%, ءسابىز 9%, ءجۇزىم 6,6%, قىزاناق 5,9%, ليمون 5,3%, الما 4,8% ارزانداعان. باعانىڭ قىمباتتاۋى اس سوداسىنا - 2,8%, كوفەگە - 2,6%, اپەلسيندەرگە - 2,5%, جارما ونىمدەرىنە - 1,5%, كونسەرۆىلەنگەن جەمىستەرگە - 1,2%, دايىن دامدەۋىشتەر مەن تۇزدىقتارعا - 1,1% بولدى.
ازىق-ت ۇلىك ەمەس تاۋارلار اراسىندا بيىلعى قىركۇيەكتە فوتواپپارات باعاسى 0,7% تومەندەسە, كەرىسىنشە نەكە ساقيناسى 4,3%, قول ساعاتى 2%, تسەمەنت 1,4% قىمباتتادى. كيىم-كەشەك پەن اياق كيىمگە, تۇرمىستىق قۇرالدارعا, جۋ جانە تازالاۋ قۇرالدارىنا باعا دەڭگەيى 1,1%, جەكە پايدالانۋعا ارنالعان تاۋارلارعا 0,9%-عا ءوستى.
اۋە جولاۋشىلار كولىگى قىزمەتتەرى 4,2%, شيپاجايلار 1% ارزاندادى. بۇل رەتتە قوعامدىق تاماقتاندىرۋ قىزمەتتەرى – 0,9%, شاشتاراز قىزمەتتەرى – 0,7%, سپورت زالدار قىزمەتى 0,3% وسكەن.
جىلدىق ماندە كۇرىش 8,2%, ورىك 3,5%, جەرجاڭعاق 2,2% ارزاندادى. كەپكەن جەمىستەر مەن جاڭعاقتار 2,3% قىمباتتادى.
ازىق-ت ۇلىككە جاتپايتىن تاۋارلاردىڭ ىشىندە ەدەنگە قوياتىن كىر كەپتىرگىش 35,8%, توڭازىتقىش 21,2% ارزاندادى. اس ءۇي قۇرالدارى, ەلەكترودرەل باعاسىنىڭ دەڭگەيى 6,4%, ەلەكتر شامى – 4,8%-عا ءوستى.
2024 جىلدىڭ قىركۇيەگىمەن سالىستىرعاندا اياق كيىم جوندەۋ بويىنشا قىزمەتتەردىڭ باعاسى 9,4%-عا, تۇرعىن ءۇي-جايلاردى كۇتىپ ۇستاۋ جانە جوندەۋ بويىنشا قىزمەتتەردىڭ باعاسى 6,9%-عا ءوستى. باسسەين قىزمەتتەرى 10,3%-عا, ترەناجەر زالدارى 9,5%-عا قىمباتتادى.
ينفلياتسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋلار قىزمەتتەر مەن تاۋارلاردىڭ تاريفتەرى مەن باعالارى – بارلىعى 508 پوزيتسيا بويىنشا جۇرگىزىلەدى. ينفلياتسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.
2025 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–ت ۇلىك تاۋارلارىنىڭ ۇلەسى – 40,0%, ازىق-ت ۇلىك ەمەس تاۋارلار – 30,3%, اقىلى قىزمەتتەر 29,7% قۇرادى.
