كەزدەسۋ بارىسىندا تاراپتار ءوزارا بايلانىستىڭ باسىم باعىتتارىن تالقىلادى. ايدا بالاەۆا مينيسترلىك ادامي قۇندىلىقتاردى ناسيحاتتاپ, حالىقتىڭ تسيفرلىق جانە قۇقىقتىق ساۋاتىن ارتتىراتىن, سونداي-اق بالالاردىڭ ونلاين ورتاداعى قاۋىپسىزدىگىن قامتاماسىز ەتۋگە باعىتتالعان جوبالارعا ەرەكشە نازار اۋداراتىنىن اتاپ ءوتتى. وتىرىستا «Google» كومپانياسىنىڭ قازاقستانداعى رەسمي وكىلىن بەكىتۋ ماسەلەسى دە جەكە قارالدى.
– «Google»-مەن ىنتىماقتاستىق قازاقستانداعى تسيفرلىق مادەنيەت پەن قاۋىپسىزدىكتىڭ دامۋىنا عانا ەمەس, سونداي-اق تەحنولوگيا سالاسىنداعى حالىقارالىق ديالوگتى نىعايتۋعا دا ىقپال ەتەدى دەپ سانايمىز. قازاقستان اشىق ءارى جۇيەلى ءوزارا بايلانىسقا دايىن, – دەدى مينيستر.
كەزدەسۋ بارىسىندا كونتەنتتى مودەراتسيالاۋ ماسەلەلەرى دە تالقىلاندى. ايدا بالاەۆا قولدانىستاعى تەتىكتەردىڭ اسا ءتيىمدى ەمەس ەكەنىن جەتكىزدى. وسىعان بايلانىستى «Google» كومانداسىنىڭ استاناعا ساپارى اياسىندا قر مام مەن وعان باعىنىستى ۇيىمدار قىزمەتكەرلەرىنە زاڭسىز كونتەنتتى جويۋ بويىنشا ۆوركشوپ ۇيىمداستىرىلادى.
سونىمەن قاتار كەزدەسۋدە قازاقستاندا «Google» كومپانياسىنىڭ رەسمي كەڭسەسىن اشۋ كەلەشەگى تالقىلاندى. قازاقستان ەكونوميكاسى مەن قولايلى ينۆەستيتسيالىق ورتاسى بار, قارقىندى دامىپ كەلە جاتقان وڭىرلىك كوشباسشى ەل رەتىندە قاراستىرىلىپ وتىر.
